२०७७ मंसिर २०, शनिबार
December 5, 2020, Saturday

अयोध्याबारे प्रधानमन्त्रीको भनाइमा परराष्ट्रको स्पष्टीकरण : ‘कसैलाई चोट पुर्‍याउन भनेको होइन’

परराष्ट्र मन्त्रालयले प्रधानमन्त्री केपी शर्मा ओलीले सोमबार राम र अयोध्याका विषयमा गरेको टिप्पणीबारे भएका ब्याख्या र प्रतिक्रियाप्रति आफ्नो ध्यानाकर्षण भएको जनाएको छ।

मंगलबार एक विज्ञप्ति जारी गर्दै परराष्ट्रले भनेको छ, ‘श्रीराम र उनीसँग जोडिएका स्थानका बारेमा कैयौं मिथक र सन्दर्भहरु छन्। प्रधानमन्त्रीले श्रीराम, रामायण र यससँग जोडिएको सांस्कृतिक भूगोल र समृद्ध संस्कृतिबारे तथ्य पत्ता लगाउन थप शोध र अनुसन्धानको महत्वमा जोड दिनु भएको हो।’

प्रधानमन्त्रीले गरेको टिप्पणी अयोध्याको महत्व र यसको सांस्कृतिक मूल्यमाथि बहसका लागि नभएको पनि मन्त्रालयले स्पष्ट पारेको छ।
विज्ञप्तिमा विवाह पञ्चमीका अवसरमा प्रत्येक वर्ष भारतको अयोध्याबाट जनकपुरमा जन्ती आउने गरेको, सन् २०१८ मा नेपाल र भारतका प्रधानमन्त्रीले रामायण सर्किटको उद्घाटन गरेको स्मरण गर्न पनि भनिएको छ।

परराष्ट्रले भनेको छ, ‘यी तथ्यले दुई देश र जनताबीच सम्मानित सांस्कृतिक सम्बन्ध रहेको इंगित गर्छन्।’

विज्ञप्तिमा प्रधानमन्त्रीले गरेको टिप्पणी कुनै पनि राजनीतिक विषयसँग नजोडिएको र कसैको भावनामाथि ठेस पु¥याउने उद्देश्यले नभएको पनि उल्लेख गरिएको छ।

प्रधानमन्त्री ओलीले भानु जयन्तीका अवसरमा २९ असारमा आयोजित एक कार्यक्रममा भगवान राम भारतको अयोध्यामा नभई नेपालको ठोरीमा जन्मिएको बताएका थिए।

प्रधानमन्त्रीको उक्त अभिव्यक्तिको नेपाल र भारतमा तिब्र विरोध भएको थियो।

Related News

जिल्ला प्रहरी कार्यालय डोटीका इन्सपेक्टर सहित चार जना प्रहरी पुरस्कृत
जिल्ला प्रहरी कार्यालय डोटीका इन्सपेक्टर सहित चार जना प्रहरी पुरस्कृत
  • २०७७ असार ३०

डोटी- जिल्ला प्रहरी कार्यांलय डोटीमा कार्यरत प्रहरी निरीक्षक सहितका चार जना प्रहरी पुरस्कृत भएका छन् । बझाङकी १२ वर्षीया बालिकाको...

रुडेस बैतडीद्वारा एकहजार परिवारलाई ७ वर्ष म्याद गुज्रेका (डेट स्पाइर) सावुन वितरण
रुडेस बैतडीद्वारा एकहजार परिवारलाई ७ वर्ष म्याद गुज्रेका (डेट स्पाइर) सावुन वितरण
  • २०७७ असार ३०

बैतडी- गैर सरकारी संस्था रुडेसले एकहजार घरधुरीलाई म्याद गुज्रेका (डेट स्पाइर) सावुन वितरण गरेको छ । ग्रामिण विकास एवं वातावरण...

सरकारसँग सर्वोच्चले माग्यो ‘संघीय लोकतान्त्रिक गणतन्त्र’ नलेख्नुको कारण
सरकारसँग सर्वोच्चले माग्यो ‘संघीय लोकतान्त्रिक गणतन्त्र’ नलेख्नुको कारण
  • २०७७ असार ३०

काठमाडौं- सर्वोच्च अदालतले नेपालको नामबाट ‘संघीय लोकतान्त्रिक गणतन्त्र’ हटाउने निर्णय गर्नुको कारण पेस गर्न सरकारलाई आदेश दिएको छ । अधिवक्ता...

TOP