२०७८ असार ८, मंगलवार
June 22, 2021, Tuesday

नेकपा अध्यक्षद्वयको ‘वान टु वान’ वार्ता सकियो

काठमाडौँ – सत्तारुढ नेपाल कम्युनिष्ट पार्टी नेकपाका दुई अध्यक्ष केपी शर्मा ओली र पुष्पकमल दाहालबीचको बैठक सकिएको छ। दुई अध्यक्षबीच बालुवाटारमा झण्डै डेढघण्टा छलफल चलेको थियो ।

उनीहरुबीच केपी ओलीले पार्टी अध्यक्ष र प्रधानमन्त्री दुवै पदबाट राजीनामा दिने विषयमा छलफल केन्द्रीत रहेको श्रोतले बताएको छ ।

यसअघि दोस्रो तहका नेताहरुसहित बैठक बसेका ओली र दाहालबीच सोमबार एक्ला एक्लै छलफल चलेको हो ।

डेढघण्टा छलफल गरेका ओली दाहालबीच के सहमति भयो भन्ने खुलेको छैन ।

दाहाल भर्खरै बालुवाटारबाट बाहिरिएका छन् । बैठकबाट निस्कने क्रममा दाहाल अघिल्लो दिनको तुलनामा प्रफुल्ल देखिएको श्रोतले बताएको छ ।

प्रधानमन्त्री समेत रहेका अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्ड तथा वरिष्ठ नेता माधवकुमार नेपाल समूहको शक्ति संघर्षले नेकपा लगभग विभाजनको विन्दुमा पुगेको देखिएको छ ।

समस्या समाधानका लागि दुई अध्यक्षबिच अहिलेसम्म भएका वार्तामा कुनै सकारात्मक संकेत देखिएको छैन । सोमबारको छलफलमा कस्तो प्रगति भयो भन्ने खुलेको छैन ।

ओलीले दुवै पदबाट राजीनामा दिनु पर्ने प्रचण्ड–नेपाल समूहको माग तथा कुनै पनि पद नछोड्ने ओलीको अडानका कारण अहिलेसम्म सहमतिको सम्भावना देखिएको छैन । तर पार्टीका दोस्रो तहका नेताहरु सहमतिका लागि प्रयासरत रहेको बताउँछन् ।

Related News

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७७ असार २२

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

जसपा विवाद : महन्थ र उपेन्द्र पक्षबीच कुटाकुट
जसपा विवाद : महन्थ र उपेन्द्र पक्षबीच कुटाकुट
  • २०७७ असार २२

काठमाडौं- जनता समाजवादी पार्टी जसपाको विवाद कुटाकुट र सांघातिक आक्रमणसम्म पुगेको छ। उपेन्द्र यादव र महन्थ ठाकुर पक्षबीच कुटाकुट चलेको...

देउवाले भने : सभापतिमा फेरि उठ्छु, सहयोग गर्नुस्
देउवाले भने : सभापतिमा फेरि उठ्छु, सहयोग गर्नुस्
  • २०७७ असार २२

काठमाडाैं– नेपाली काँग्रेसका सभापति शेरबहादुर देउवाले आफूनिकटका केन्द्रीय सदस्य बोलाएर सभापतिमा पुनः उठ्ने बताएका छन्। आफूनिकटका प्रदेश १ का केन्द्रीय...

TOP