२०७८ बैशाख २६, आईतवार
May 9, 2021, Sunday

असार १६ भित्रै ‘एससीसी’ संसदबाट पारित गर्ने प्रधानमन्त्रीको संकेत

काठमाडौं- प्रधानमन्त्री केपी शर्मा ओलीले यही असार १६ गतेभित्रै एमसीसी ‘सम्झौता’ संसदबाट अनुमोदन हुने संकेत दिएका छन् ।

ओलीले एमसीसीको विरोध गर्नेहरूलाई ‘टाउकाले टेकेर हिँड्ने’हरु भन्ने कडा टिप्पणीसमेत गरेका छन् ।

बिहीबार राष्ट्रियसभामा बजेटमामाथि उठेका प्रश्नहरुको जवाफ दिँदै प्रधानमन्त्री ओलीले एमसीसीको विरोध गर्नेहरूलाई ‘अनपढ’ भन्दै कटाक्षसमेत गरे ।

उनले ‘कागले कान लग्यो भन्दैमा कागको पछि नदौडिन’ आग्रहसमेत गरे ।

सरकारका राम्रा कामकोसमेत प्रशंसा नभएको गुनासो गरेका ओलीले केही व्यक्तिहरु सरकारलाई बदनाम गराउन सडकमा ओर्लिएको भन्दै आक्रोश पोखे ।

कोभिड–१९ को नियन्त्रण तथा रोकथाममा खर्च भएको १० अर्ब कहाँ गयो भनेर उछालिएको भन्दै उनले १० अर्ब रुपैयाँ तल्लो तहमा पठाइएको दाबी गरे ।

नेपालमा कोरोना संक्रमण साउन अन्त्यतिर उच्च विन्दुमा पुग्ने विश्लेषण गर्दै ओलीले ‘कोरोनाका कारण २० जनाको मृत्यु भएको भन्ने कुरा सत्य होइन’–भने ।

अन्य रोगले मानिसहरुको मृत्यु भएपनि विश्व स्वास्थ्य संगठनको निर्देशन मान्नुपर्दा मृतक संख्या बढी देखिएको उनको तर्क थियो ।

प्रधानमन्त्रीले उपचार विधि र नेपालीहरूको प्रतिरोधात्मक क्षमताका कारण निधन हुनेको संख्या धेरै कम रहेको पनि दोहोर्‍याए ।

राष्ट्रियसभामा समेत बेसारको गुणको चर्चा गर्दै उनले आफूलाई सडकमा समेत उडाएको भन्दै कटाक्ष गरे ।

रुकुम पश्चिममा भएको घटनामा सरकारलाई बदनाम गराउन खोजेको भन्दै उनले ‘त्यो घटना सरकारले गराएको हो ?’ भनी प्रतिप्रश्न गरे ।

‘क्वारेन्टिन’स्थलमा महिलाको सामूहिक बलात्कार मानव जातिका निम्ति कलंक हो भन्दै उनले घटनामा संलग्न सबैलाई कारबाहीको दायरमा ल्याइने दाबी गरे ।

Related News

महामारीमा खटिएका एम्बुलेन्स चालक बोगटी : जो बिरामी बोक्नुलाई धर्म ठान्छन्
महामारीमा खटिएका एम्बुलेन्स चालक बोगटी : जो बिरामी बोक्नुलाई धर्म ठान्छन्
  • २०७७ असार ५

डोटी- शुक्रबार जिल्ला अस्पताल डोटीमा उपचार भैरहेका ३२ वर्षीय कोरोना संक्रमितको अवस्था नाजुक बन्यो । डाक्टरले उनलाई भेण्टिलेटरको आवस्यकता परेको...

डोटी चेम्बर अफ कमर्सको भवन निर्माण स्थलमा झडप : वडाध्यक्ष घाइते
डोटी चेम्बर अफ कमर्सको भवन निर्माण स्थलमा झडप : वडाध्यक्ष घाइते
  • २०७७ असार ५

डोटी– डोटी चेम्बर अफ कमर्सको भवन निर्माण स्थलमा झडप भएको छ । चेम्बरले आफ्नो नाममा रहेको जमिन माथिको चलनचल्तीको वर्षौं...

सुदूरपश्चिममा कोरोना सङ्क्रमितको उपचार तथा व्यवस्थापन असहज
सुदूरपश्चिममा कोरोना सङ्क्रमितको उपचार तथा व्यवस्थापन असहज
  • २०७७ असार ५

मुलुक यतिबेला कोरोना भाइरस महामारीको चपेटामा छ। सुदूरपश्चिम प्रदेश पनि यो रोगको महामारीवाट अछुतो छैन। प्रदेशका तराइका कैलाली र कञ्चनपुरमा...

TOP