कांग्रेस महामन्त्रीमा एनपी साउदकाे उम्मेदवारी

कैलाली – कांग्रेस केन्द्रीय सदस्य एनपी साउदले महामन्त्रीमा उम्मेदवारी दिने तयारी गरेका छन् । कञ्चनपुर क्षेत्र नं. २ का पूर्वसांसद तथा कांग्रेस केन्द्रीय सदस्य साउदले कांग्रेसको १४औं महाधिवेशनमा उम्मेदवारी दिने तयारी गरेका हुन् ।

यद्यपि उनले आधिकारिक घोषणा नगरेपनि उनको सचिवालयले भने महामन्त्रीका उम्मेदवार लेखिएको पोस्टर सामाजिक सञ्जाल फेसबुकमा सार्वजनिक गरेको छ ।

साउद कांग्रेसका प्रभावशाली नेता मानिने मध्येका एक हुन् । उनी पार्टी सभापति शेरबहादुर देउवा (संस्थापन) पक्षका नेता हुन् । उनको सचिवालयले चुनावका लागि काठमाडौं अनामनगरमा सम्पर्क कार्यालयसमेत खोलिसकेको छ ।