२०७८ श्रावण ८, शुक्रबार
July 23, 2021, Friday

नवनियुक्त प्रधानमन्त्री देउवाको शपथ साँझ ६ बजे, मन्त्रीको टुंगो लागेको छैन

काठमाडौं– नवनियुक्त प्रधानमन्त्री शेरबहादुर देउवाले आज बेलुकी ६ बजे शपथ लिने भएका छन्। 

शपथका लागि राष्ट्रपति कार्यालयले आवश्यक तयारी गरेको राष्ट्रपतिका प्रमुख स्वकीय सचिव भेषराज अधिकारीले जानकारी दिए। 
‘बेलुकी ६ बजे नवनियुक्त प्रधानमन्त्रीलाई राष्ट्रपतिले शपथ गराउने तयारी छ। त्यसको सबै तयारी भइसकेको छ।’

सर्वोच्च अदालतको परमादेशपछि आज दिउँसो राष्ट्रपतिले देउवालाई प्रधानमन्त्रीमा नियुक्त गरेकी थिइन्। संविधानको धारा ७६ (५) अनुसार देउवा प्रधानमन्त्री नियुक्त भएका हुन्।

नवनियुक्त प्रधानमन्त्री देउवा मन्त्रीमण्डल गठनका लागि छलफलमा छन्। आफ्नो निवासमा उनले दिउँसो माओवादी अध्यक्ष प्रचण्डलाई बोलाएका थिए। 

गठबन्धनका दलहरु माओवादी, जसपाको उपेन्द्र यादव समूह र जनमोर्चाले सरकारमा सहभागी हुने व्यक्तिको नाम टुंगो लगाएका छैनन्। एमालेको माधव नेपाल समूहले भने सरकारमा सहभागी नहुने जनाइसकेको छ। देउवा स्वयंले पनि मन्त्रीको टुंगो लगाइसकेका छैनन्। 

देउवाले सक्षम व्यक्तिलाई मन्त्री बनाउने बताएका छन्। पार्टीका शीर्ष नेताहरुसँग उनले परिणाममुखी काम गर्नुपर्ने भएकाले सक्षम व्यक्तिलाई मन्त्री बनाउने बताएका हुन्।  

उनले नेताहरुसँग सक्षम व्यक्तिलाई सिफारिस गर्न आग्रहसमेत गरेका छन्। ‘म सहज परिस्थितिमा प्रधानमन्त्री बन्न लागेको छैन। काम गरेर देखानु छ। त्यसैले सक्षम व्यक्तिलाई सिफारिस गर्नुहोला,’ देउवाको भनाइ उदृत गर्दै एक नेताले भने।

गुट समूहका नाममा परिणाम दिन नसक्ने व्यक्तिलाई सिफारिस नगर्न उनले नेताहरुलाई भनेका छन्। उनले वरिष्ठ नेता रामचन्द्र पौडेल र नेता कृष्णप्रसाद सिटौलासँग मन्त्रीको नाम टुंग्याउन छलफल गर्दै छन्।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७८ असार २९

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७८ असार २९

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७८ असार २९

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP