२०७८ माघ ३, सोमबार
January 17, 2022, Monday

असंबैधानिक कार्यका बिरुद्ध लोकतन्त्रवादी शक्ति एक भएर लडौ: सभापति देउवा

काठमाडौं– नेपाली कांग्रेसले गणतन्त्र र संविधानको रक्षाका लागि सबै लोकतन्त्रवादी शक्तिलाई एकजुट हुन आह्वान गरेको छ। संसद् विघटन गरी निर्वाचन घोषणा गर्ने प्रधानमन्त्री र राष्ट्रपतिको कदमको भर्त्सना गर्दै कांग्रेस सभापति शेरबहादुर देउवाले यस्तो आग्रह गरेका हुन्।

सभापति देउवाले शनिबार वक्तव्य जारी गर्दै भनेका छन्, ‘लोकतान्त्रिक गणतन्त्र र नेपालको संविधानको रक्षाका लागि सबै लोकतन्त्रवादी शक्तिलाई एकजुट भई कार्य गर्न म आह्वान गर्दछु।’ सभापति देउवाले गणतन्त्र र संविधानको रक्षार्थ राष्ट्रपति र प्रधानमन्त्रीका असंवैधानिक, अलोकतान्त्रिक कार्यकाविरुद्ध राजनीतिक र न्यायिक लडाइँ लड्ने दृढ प्रतिबद्धता पनि व्यक्त गरेका छन्। 

देउवाले राष्ट्रपतिले गरेको आह्वानका आधारमा आफूले प्रतिनिधिसभामा तत्काल कायम रहेका सदस्य संख्याको स्पष्ट बहुमतसहित १४९ जना सांसदहरुको हस्ताक्षरसहित प्रधानमन्त्रीका लागि दाबी प्रस्तुत गर्दा राष्ट्रपतिबाट इन्कार भएको भन्दै आपत्ति  जनाएका छन्।

उनले भनेका छन्, ‘नेपालको संविधान बमोजिम राष्ट्रपतिले मलाई तत्काल प्रधानमन्त्रीमा नियुक्त गर्नु पर्नेमा त्यसलाई इन्कार गर्नुभयो  बरु एकपटक प्रतिनिधिसभाबाट विश्वासको मत लिन असफल भई संसद्मा स्पष्ट अल्पमतमा परिसकेका र अर्को पटक बहुमत देखाउन नसक्ने स्वयं घोषणा गरिसकेका माननीय ओलीलाई प्रधानमन्त्री नियुक्त गर्ने काम गर्नुभयो।’

संविधानबमोजिम आफूलाई प्रधानमन्त्रीमा नियुक्त गर्नुपर्नेमा  दाबी नै गर्न नमिल्ने ओलीलाई प्रधानमन्त्री नियुक्त गरेर घोर असंवैधानिक, अलोकतान्त्रिक, अधिनायकवादी र सर्वसत्तावादी कार्य गरेको देउवाको भनाइ छ।

देउवाले संविधानको अक्षर र भावनाअनुसार ओलीले प्रधानमन्त्रीका लागि दाबी गर्न नसक्ने प्रस्ट अवस्था हुँदाहुँदै त्यस्तो गैरसंवैधानिक दाबीलाई स्वीकार गरी पुनः उनलाई नै प्रधानमन्त्री तोक्ने कार्य असंवैधानिक मात्र होइन अनैतिक पनि हो भनेका छन्। उनले भनेका छन्, ‘राष्ट्रपति र प्रधानमन्त्रीले नेपाली जनताको आस्थाको केन्द्र संविधानजस्तो सार्वजनिक दस्तावेजलाई निजी सम्पत्तिका रुपमा आफू अनुकूल प्रयोग गरिरहेका छन्।’

प्रधानमन्त्रीले हठात् अर्को सरकार गठनको सिफारिस गर्ने, राष्ट्रपतिले २४ घण्टाको पनि समय नदिई प्रधानमन्त्री नियुक्तिको आह्वान गर्ने, संविधानबमोजिम आफूलाई प्रधानमन्त्रीमा नियुक्त गर्नुपर्नेमा  दाबी नै गर्न नमिल्ने ओलीलाई प्रधानमन्त्री नियुक्त गरेर घोर असंवैधानिक, अलोकतान्त्रिक, अधिनायकवादी र सर्वसत्तावादी कार्य गरेको देउवाको भनाइ छ।

उनले भनेका छन्, ‘यी काम राष्ट्रपति र प्रधानमन्त्रीको वदनियतपूर्ण ढंगले मिलोमतोमा षड्यन्त्रपूर्वक भएका छन् भन्ने तथ्य प्रधानमन्त्री नियुक्त भएको १ घण्टामा सबै नेपाली जनता सुतेको बेला मध्यराति प्रतिनिधिसभाको हत्या गरेको घटनाबाट प्रमाणित भएको छ।’  वक्तव्यमा राष्ट्रपति र प्रधानमन्त्री षडयन्त्र गरी पदको चरम दुरुपयोग गरी संविधान समाप्त गर्न उद्यत रहेको ठहर गरिएकाे छ।

Related News

पर्यटनमन्त्री आलेलाई कोरोना संक्रमण
पर्यटनमन्त्री आलेलाई कोरोना संक्रमण
  • २०७८ जेष्ठ ८

काठमाडौँ — संस्कृति, पर्यटन तथा नागरिक उड्डयनमन्त्री प्रेमबहादुर आलेलाई कोरोना संक्रमण भएको छ । मन्त्री आलेलाई कोरोना संक्रमण भएको उनको...

डोटीमा संक्रमण नियन्त्रण फितलो
डोटीमा संक्रमण नियन्त्रण फितलो
  • २०७८ जेष्ठ ८

डोटी – भारतबाट घर फर्कने क्रममा केआईसिंह गाउँपालिका–६ का वीरभान तिरुवा (नाम परिवर्तन) को महाकाली अस्पताल कञ्चनपुरमा एन्टिजेन परीक्षण भयो ।...

दूधको मूल्य लिटरमा १० रुपैयाँ बढाउन सिफारिस
दूधको मूल्य लिटरमा १० रुपैयाँ बढाउन सिफारिस
  • २०७८ जेष्ठ ८

काठमाडौं – राष्ट्रिय दुग्ध विकास बोर्डले दूधको मूल्य लिटरमा १० रुपैयाँ बढाउन कृषि तथा पशुपन्छी विकास मन्त्रालयमा सिफारिस गरेको छ...

TOP