२०८१ असार १, शुक्रबार
June 14, 2024, Friday
प्रतिगमन भाग २

विपक्षी गठबन्धनको बैठक बस्दै, १४९ जनाकै तर्फबाट रिट हाल्ने तयारी

काठमाण्डौं- विपक्षी पाँच दलको बैठक बानेश्वरमा बस्ने भएङ्को छ। प्रमुख विपक्षी नेपाली कांग्रेससहित, माओवादी केन्द्र, जसपा, एमालेको माधव नेपाल समूह र राष्ट्रिय जनमोर्चाको बैठक बस्न लागेको हो।

शनिबार ११ बजेपछि बस्ने बैठकमा पछिल्लो घटनाक्रमबारे छलफल हुने जसपा नेता मोहमत इस्तियाक राईले बताए।

नेपाली कांग्रेसको पदाधिकारी र पूर्वपदाधिकारीको बैठकपछि बोल्दै नेता पौडेलले भने, ‘बानेश्वरमा सर्वदलीय बैठक गर्ने र हिजो देउवालाई प्रधानमन्त्री बनाउन हस्ताक्षर गरेका १४९ जनाकै तर्फबाट अदालतमा रिट हाल्नेबारे छलफल गर्छौं।’

गठबन्धनमा आबद्ध राष्ट्रिय जनमोर्चाकी नेतृ एवं प्रतिनिधि सभा सदस्य दुर्गा पौडेलले भनिन् ‘बैठकमा कानुनी उपचार खोज्ने विषयमा केन्द्रीत रहेर छलफल गर्ने तयारी छ ।’

नेकपा एमालेका वरिष्ठ नेता माधव कुमार नेपालले संसद विघटन गरी चुनावमा जाने निर्णयलाई ‘प्रतिगमन भाग २’को संज्ञा दिंदै बैठकले प्रतिवादको तयारी गरिरहेको बताए ।

प्रधानमन्त्री केपी ओलीको सिफारिसमा शुक्रबार मध्यराति राष्ट्रपति विद्यादेवी भण्डारीले प्रतिनिधिसभा विघटन गरेकी थिइन्। दोस्रोपटक प्रतिनिधिसभा विघटन गरी भण्डारीले कात्तिकमा पहिलो र मंसिरमा दोस्रो चरणको चुनाव घोषणा गरेकी थिइन्। 

Related News

जोखिम मोलेरै भए पनि शैक्षिक सुधार गरिन्छः नगर प्रमुख बलायर
जोखिम मोलेरै भए पनि शैक्षिक सुधार गरिन्छः नगर प्रमुख बलायर
  • २०७८ जेष्ठ ८

दिपायल– शिखर नगरपालिकाका नगर प्रमुख दिर्घबहादुर बलायरले नगरको शिक्षा सुधारका...

TOP