२०७८ श्रावण ८, शुक्रबार
July 23, 2021, Friday

सरकार गठनका लागि कसरत, देउवाले बोलाए संयुक्त बैठक

काठमाडौं – नयाँ सरकार गठनका लागि राष्ट्रपति विद्यादेवी भण्डारीले दलहरूलाई आह्वान गरेपछि गठबन्धन दलहरुले आज संयुक्त छलफल गर्दै छन्। 

संविधानको धारा ७६(२) अनुसार सरकार गठनका लागि भएको आह्वानपछि बहुमत पुर्‍याउन विषयमा आज गठबन्धन दलहरुले छलफल गर्न लागेका हुन्।

नेपाली कांग्रेसका सभापति शेरबहादुर देउवाले यसबारे छलफल गर्न दिउँसो २ बजे बुढानिलकण्ठस्थित आफ्नो निवासमा छलफलका लागि नेताहरूलाई बोलाएको नेता रमेश लेखकले जानकारी दिए।

देउवाले कांग्रेसका शीर्ष नेता, नेकपा माओवादी केन्द्र, जसपालगायत दलहरूका शीर्ष नेतालाई छलफलका लागि बोलाएको उनले बताए।

‘राष्ट्रपतिले सरकार गठनका लागि आह्वान भएपछि आज छलफल गर्न लागिएको हो,’उनले भने,‘अब त्यसै अनुसार छलफल गरेर अघि बढ्ने हो।’
विपक्षी गठबन्धनलाई बहुमत पुग्न अहिलेको परिस्थितिमा १३६ जना सांसद आवश्यक पर्छ। तर, हिजो प्रधानमन्त्रीले विश्वासको मत लिने दिन भने विपक्षमा १२४ जना सांसदहरू मात्रै पुगेका छन्। 

उता प्रधानमन्त्री केपी शर्मा ओलीले विश्वासको मत लिँदा उनको पक्षमा ९३ मतमात्रै आएको थियो। विश्वासको मत नपाएपछि स्वतः प्रधानमन्त्री ओली पदमुक्त भएका छन्।

‘७६(२) बमोजिम सरकार गठनका लागि समय तीन दिन मात्र दिइएको छ,’नेता लेखकले भने,‘यो अवधिमा आवश्यक गृहकार्य गरेर बहुमत पुर्‍याउने प्रयास हुनेछ।’

जसपाभित्रको विवादले तत्कालै गठबन्धनलाई बहुमत पुर्‍याउन मुस्किल हुने देखिएको छ। योबीचमा माधव नेपाल पक्षका सांसदहरुले यदि राजीनामा दिएको खण्डमा मात्रै विपक्षी गठबन्धनलाई सरकार बनाउन केही सहज हुनेछ। तर, त्यो सम्भावना पनि अबको तीनदिन भित्र होला भन्ने संकेत देखिएको छैन।

नेकपा एमालेको माधव पक्षमा पनि राजीनामा दिने नदिने विषयमा विवाद देखिएकै कारण हिजो राजीनामाको निर्णयबाट पछि हटेर बैठकमा अनुपस्थित भएका हुन्। 

ओलीले विश्वासको मत गुमाएलगत्तै सोमबार नै सभापति देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र जसपाका अध्यक्ष उपेन्द्र यादवले संयुक्त विज्ञप्ति जारी गर्दै संविधानको धारा ७६(२) अनुसार नयाँ सरकार गठन गर्न आह्वान गर्नका लागि राष्ट्रपतिलाई आग्रह गरेका थिए।

राष्ट्रपति विद्यादेवी भण्डारीले सोमबार बेलुकी दलहरूलाई तीन दिनको समय दिएर धारा ७६ (२) अनुसार सरकार गठनको आह्वान गरेकी थिइन्। संविधानको उक्त धाराअनुसार दुई वा दुईभन्दा बढी दल मिलेर सरकार गठन गर्न सक्छन्।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७८ बैशाख २८

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७८ बैशाख २८

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७८ बैशाख २८

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP