२०७८ श्रावण १४, बिहीबार
July 29, 2021, Thursday

डोटीमा कांग्रेसका शुभेच्छुक संगठनहरुको विरोध : सरकारले अन्याय गरेको आरोप

डोटी- प्रतिनिधि सभा विघटनविरुद्ध नेपाली कांग्रेसका शुभेच्छुक संगठनहरुले शनिबार डोटीमा प्रदर्शन गरेका छन् । कांग्रेसले तय गरेको आन्दोलनका कार्यक्रम अन्तर्गत पार्टीका विभिन्न शुभेच्छुक संगठनले सिलगढीमा मौन जुलुस सहित जिल्ला प्रशासन कार्यालय अगाडी विरोध सभाको आयोजना गरेकाहुन् ।

शुभेच्छुक संस्थाका नेता कार्याकर्ताले जिल्ला समन्वय समिति देखि जिल्ला प्रशासन कार्यालय सम्म सडकमा हातमा कालो पट्टि र मुखमा कालो माक्स लगाएर प्ले कार्ड र व्यानरसहित मौन जुलुस प्रदर्शन गरेका थिए । कम्युनिस्ट प्रधानमन्त्री केपी शर्मा ओलीको सिफारिसमा पुस ५ गते राष्ट्रपति विद्यादेवी भण्डारीले गरेको प्रतिनिधिसभा संसद विघटनविरुद्ध कांग्रेस विरोध प्रदर्शन उत्रिरहेको हो ।

विरोध सभामा बोल्ने शुभेच्छुक संगठनका प्रमुखहरुले कम्युनिस्टले नेतृत्व गरेका स्थानीय सरकार, प्रदेश सरकार र संघ सरकारले विभिन्न पेशामा आबद्ध पेशाकर्मीहरुलाई अन्याय गरेको आरोप लगाए । कांग्रेस प्रति आस्था राखेकै कारण शुभेच्छुक संगठनमा आबद्ध ब्यक्तिहरुलाई अनाहकमा दुःख दिने नियतले सरुवा गर्ने, बढुवा रोक्ने, जागिरबाट निकाल्ने, धम्कि दिने र आफ्ना मान्छे गैरकानुनि बाटोबाट जागिर लगाउने जस्ता कार्य गरेको आरोप लगाए ।

नेपाल प्रेस युनियका सचिव पवन महराले सञ्चालन गरेको विरोध सभामा नेपाल प्रेस युनियका अध्यक्ष प्रकाश बम, शिक्षक संघका अध्यक्ष नवराज जोशी, प्रजातान्त्रवादी प्रध्यापक संघका नेता, त्रिभुवन विश्वविद्यालयका सह प्रध्यापक तिर्थराज जोशी, नेपाली कांग्रेस डोटीका सभापति प्रदिप कुमार देउवा , नेपाल ट्रेड युनियन कांग्रेसका अध्यक्ष कांशिराम पाठक लगायतले सम्बोधन गरेका थिए ।

बक्ताहरुले प्रतिनिधिसभा विघटनलाई असंवैधानिक, अलोकतान्त्रिक र सर्वसत्तावाद उन्मुख कदम भएको भन्दै आपत्ति जनाएका थिए ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ माघ २४

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ माघ २४

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ माघ २४

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP