२०७८ श्रावण १४, बिहीबार
July 29, 2021, Thursday

जनआन्दोलनको लागि समेत तयार हुन जनतालाई पूर्वमन्त्री बलायरको आग्रह



डोटी – अहिले नेपाली कांग्रेस आन्दोलनमा होमिरहेको बताउँदै आवश्यक परे जनआन्दोलन गर्न समेत पछि नहट्ने नेपाली कांग्रेसका केन्द्रीय सदस्य एवं पूर्वमन्त्री वीर बहादुर बलायरले बताए ।

सरकारले गरेको प्रतिनिधी सभा बिघटनको बिरुद्धमा डोटीको पूर्बीचौकी गाउँपालिका कांग्रेसले गरेको आन्दोलनमा सम्बोधन गर्दै नेता बलायरले नेपालबाट कम्युनिष्ट शासनको अन्त्य गर्न तथा कम्युनिष्टलाईनै देशबाट पतन गर्न आन्दोलन मात्रै गरेर नपुग्ने भएकाले जनआन्दोलनका लागि समेत तयार रहन सबैलाई आग्रह गरे ।


कम्युनिष्टको ज्यादतीका कारण जनताले बारम्बार दुःख पाईरहेकाले कम्युनिष्ट शासनको अन्त्यका लागि सबैले एक हुनुपर्ने उनले बताए । ‘कम्युनिष्ट सरकारले दलित, महिला तथा निमुखा बर्गलाई प्रयोगमा ल्याइ अहिले अलपत्र छोडेको छ ।’, नेता बलायरले भने, ‘केपी सरकारले चुनाबको नौटंकी गरिरहेको छ ।’ चुनाब नगराउने बताए ।


अहिलेको सरकारमा बसेका मन्त्रीहरुले कोरोनाका कारण मृत्यु भएका लास माथि समेत कमिसन खाएको नेता बलायरले बताए । ‘जनताले तिरेको कर माथि कम्युनिष्ट सरकारले रजाई गरिरहेको छ ।’, बलायरले भने, ‘यो सरकारले जनताको सुख सुबिधा सबै यो सरकारले खोसेको छ ।’ जनताको सुख सुबिधा खोसेर खाने जनताको ठुलो सत्रु हुन् । नेता बलायरले भने, ‘कांग्रेसलाई जनताले ताकत दिए कांग्रेसले जनतालाई जीवन दिनेछ ।’


सुखि नेपाली समृद्ध नेपालको नाराको ठिक उल्टो भइरहेको बताउँदै नेपाल अहिले सबैभन्दा भ्रष्ट देशको रुपमा चिनिएको बलायरले भने, ‘यो सरकार गाउँदेखि केन्द्रसम्म भ्रष्टाचारमा लिप्त भइरहेको छ ।’ कम्युनिष्ट पार्टी जनताको नभइ स्वार्थ र आफ्नाका लागि मात्रै भएको उनले बताए ।


कांग्रेस पूबीचौकी गाउँपालिका कमिटीका सभापति नवराज खड्काको अध्यक्षतामा भएको बिरोध सभामा बोल्दै कांग्रेस महाधिबेशन प्रतिनिधी प्रसिस महराले अहिलेको सरकारले चालेका जनबिरोधी कार्यहरुको बिरुद्धमा सबै महिलाहरुले एक भएर लाग्नुपर्ने बताइन । दलित समुदायको शोषणमा कम्युनिष्टहरु लाग्ने गरेकाले आफु कांग्रेसमा लागेको बताउँदै कांग्रेसका नेता डम्बर बिकले भने, ‘कम्युनिष्टमा आफुले लगाएको १४ बर्ष खेर गएको छ ।’ कार्यक्रममा नेकपा परित्याग गरी सयौंको संख्यामा नेपाली कांग्रेसमा प्रबेश गरेका थिए ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ माघ ३

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ माघ ३

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ माघ ३

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP