प्रधानमन्त्री ओली सुदूरपश्चिम आउँदै : २४ गते जनसभालाई सम्बोधन गर्ने

कैलाली- प्रधानमन्त्री एवंम् नेकपा अध्यक्ष केपी शर्मा ओली सुदूरपश्चिम आउने भएका छन् । नेकपा ओली समूह सुदूरपश्चिमले धनगढीमा पुष २४ गते आयोजना गर्न लागेको जनसभालाई सम्बोधन गर्न ओली सुदूरपश्चिम आउने छन् ।

नेकपा विभाजन भएपछि पहिलो पटक ओली समूहले आयोजना गर्ने जनसभालाई प्रधानमन्त्री ओलीले सम्बोधन गर्ने भएका हुन् ।

प्रतिनिधिसभा विघटन गर्दै मध्यावधि चुनाव घोषणापछि ओली जिल्ला तथा प्रदेश दौडाहमा लागेका छन् । सोही कार्यक्रम अनुसार धनगढीमा पनि जनसभा आयोजना गरिएको नेकपा सुदूरपश्चिमले जनाएको छ ।