२०७७ फाल्गुन २०, बिहीबार
March 4, 2021, Thursday

नेपालका २१ ओटा हिमतालहरु फुट्ने खतरा : सतर्कता अपनाउन विज्ञहरुको सुझाव

काठमाडौं, भदौ २७ । नेपालको हिमालय क्षेत्रमा रहेका केही हिमतालहरु फुट्ने जोखिम रहेकाले सतर्कता अपनाउन विज्ञहरुले सुझाव दिएका छन् ।

जलवायु परिवर्तनको कारण नेपालका २१ ओटा हिमतालहरु फुट्ने खतरा रहेकोले सतर्कता अपनाउन विज्ञहरुको सुझाव दिएका हुन् ।

अन्तर्राष्ट्रिय एकीकृत पर्वतीय विकास केन्द्र र राष्ट्रसंघीय विकास कार्यक्रमले सार्वजनिक गरेको प्रतिवेदनले हिमताल फुट्ने खतरा रहेको देखाएको हो ।

०.०२ वर्ग किलोमिटरभन्दा बढी क्षेत्रफल ओगट्ने १४ सय बढी हिमताल रहेकोमा नेपालका २१ ओटा तालहरु जोखिममा रहेको इसिमोडका वरिष्ठ जलवायुविज्ञ डा. अरुण श्रेष्ठले बताउनुभयो ।

त्यसमध्ये नेपालका च्छो रोल्पा र इम्जा हिमताल खतरामा रहेका छन् ।

प्रतिवेदनले नेपालबाहेक तिब्बती क्षेत्र र भारतमा समेत गरी ४७ ओटा हिमताललाई खतराको सूचीमा रखेको छ ।

नेपालमा सबैभन्दा बढी कोसी बेसिन तथा तीनओटा गण्डकी र दुईओटा कर्णाली बेसिनका रहेको प्रतिवेदनमा उल्लेख छ ।

तिब्बत क्षेत्रमा २५ र भारतमा एकओटा हिमताल यस्तो खतरामा रहेका छन ।

कहिले फुट्न सक्छन् भनेर मिति तोक्नसक्ने अवस्था नभएपनि तालको बनावट, पानीको आयतन, वरिपरिको संरचना र तटीय क्षेत्रमा रहेका बस्ती तथा संरचनाहरु जोखिममा रहेकोले सतर्क रहन उहाँले आग्रह गर्नुभयो ।

तालहरूको प्राकृतिक बाँध, स्रोत हिमतालको गतिविधि तथा वरिपरिको अवस्थाको अध्ययन गरी फुट्ने खतरा देखिएको हो ।

मौसमको अवस्था, भौगर्भिक अवस्था र हिमताल वरपर हुने मानवीय गतिविधिलाई अध्ययन नगरिएको प्रतिवेदनमा उल्लेख गरिएको छ ।

हिमतालहरु फुटेमा पहाडी क्षेत्रमा पानीको गति तीव्र हुने र यसले बाढीको खतरा निम्त्याउने छ । नेपालको जलविद्युत् क्षेत्रमा पनि यसले असर गर्ने सम्भावना छ ।

अध्ययनकाक्रममा कोसी, गण्डकी र कर्णाली बेसिनमा तीन हजार ६२४ ओटा हिमताल पाइएको प्रतिवेदनमा उल्लेख छ । त्यसमध्ये दुई हजार ७० ओटा नेपाल, एक हजार ५०९ ओटा तिब्बत र ४५ ओटा भारतमा पाइएका छन् ।

Related News

होटल व्यवसायी संघ डोटीद्वारा वनभोज कार्यक्रमको आयोजना
होटल व्यवसायी संघ डोटीद्वारा वनभोज कार्यक्रमको आयोजना
  • २०७७ भाद्र २७

डोटी- होटल व्यवसायी संघ डोटीले वनभोज कार्यक्रम आयोजना गरेको छ । होटल व्यवसायी संघको स्थापना दिवसको अवसर पारेर वनभोज कार्यक्रमको...

संसद् पुनर्स्थापनाको ऐतिहासिक फैसला स्वागतयोग्य: कांग्रेस
संसद् पुनर्स्थापनाको ऐतिहासिक फैसला स्वागतयोग्य: कांग्रेस
  • २०७७ भाद्र २७

काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवाले संसद् पुनर्स्थापनाको फैसलालाई ऐतिहासिक भनेका छन् । सर्वोच्च अदालतले संसद् पुनःस्थापनाको...

संसद पुनर्स्थापना गर्ने सर्वोच्चको फैसला : १३ दिनभित्र बैठक बोलाउन आदेश
संसद पुनर्स्थापना गर्ने सर्वोच्चको फैसला : १३ दिनभित्र बैठक बोलाउन आदेश
  • २०७७ भाद्र २७

काठमाडौं- संवैधानिक इजलासले मंगलबार निर्णय सुनाउँदै सरकारले गरेको सिफारिसको निर्णय संविधानसम्मत नभएको भन्दै खारेज गरेको हो।  अदालतले १३ दिनभित्र प्रतिनिधिसभाको...

TOP