२०७८ श्रावण १६, शनिबार
July 31, 2021, Saturday

सुदूरपश्चिमका ५६९४ जनामा कोरोना संक्रमण : कुन जिल्लामा कति ?

धनगढी : सुदूरपश्चिम प्रदेशमा कोरोना संक्रमितको संख्या पाँच हजार सात सय नजिक पुगेको छ। स्वास्थ्य तथा जनसंख्या मन्त्रालयका अनुसार प्रदेशमा संक्रमितको संख्या पाँच हजार ६ सय ९४ पुगेको हो।

अहिलेसम्म ५७ हजार बढिको कोरोना परीक्षण भएकोमा पाँच हजार ६ सय ९४ जनामा संक्रमण पुष्टि भएको हो। सबैभन्दा बढि कैलालीका एक हजार पाँच सय ७७ जनामा संक्रमण पुष्टि भएको छ। डोटीमा नौँ सय ४९, अछाममा ८ सय ७१, कञ्चनपुरमा ६ सय ५१ र बाजुरामा ६ सय २४ जनामा संक्रमण पुष्टि भएको छ। 

बैतडीका तीन सय ३१, डडेल्धुराका तीन सय २९, बझाङका तीन सय १२ र दार्चुलाका ५० जनामा संक्रमण पुष्टि भएको छ। संक्रमण पुष्टि भएका चार हजार सात सय ९१ जनाले कोरोना जितेको दावी प्रदेश स्वास्थ्य निर्देशनालयको छ। अहिलेसम्म सबैभन्दा बढि कैलालीका एक हजार तीन सय ३१ जना संक्रमित डिस्चार्ज भएका छन्।

अछामका सात सय १३, डोटीका सात सय ५८, कञ्चनपुरका ६ सय पाँच र बाजुराबाट चार सय ४२ जना कोरोना संक्रमित डिस्चार्ज भएका छन्।

बैतडीबाट तीन सय २२, डडेल्धुराबाट दुई सय ९९, बझाङबाट दुई सय ८० र दार्चुलाबाट ४१ जना संक्रमितलाई डिस्चार्ज गरिएको छ। संक्रमण पुष्टि भएका र लक्षण देखिएका ९६ जनाको विभिन्न अस्पतालमा उपचार भईरहेको छ।

टीकापुर अस्पतालमा ३४, महाकाली अस्पतालमा २४, सेती प्रादेशिक अस्पतालमा २४, जिल्ला अस्पताल अछाममा १०, जिल्ला अस्पताल डोटी र डडेल्धुरा अस्पतालमा दुईरदुई जना संक्रमितको उपचार भईरहेको छ। अन्य संक्रमित भने स्थानीय तहको आईसोलेसन र घरमै रहेका छन्।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ भाद्र १२

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ भाद्र १२

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ भाद्र १२

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP