२०७९ जेष्ठ १५, आईतवार
May 29, 2022, Sunday

ओली–दाहाल वार्ता : निकासको नजिक पुगेको दाबी

सत्तारूढ नेपाल कम्युनिस्ट पार्टी (नेकपा)का नेताहरू निकासको नजिक पुगेको दुवै पक्षका नेताहरूले बताएका छन्। पार्टीभित्रको विवाद अन्त्य गर्ने प्रयासस्वरुप अहिले दुई जना अध्यक्षबीच भेटवार्ता सुरु भएको छ ।

प्रेस संयोजक विष्णु सापकोटा जुगलका अनुसार प्रचण्ड बिहान ११ बजेपछि बालुवाटार पुगेका हुन् ।  नेकपाका दुई अध्यक्षबीच साउन २० गते मंगलवारयता भेटवार्ता भएको थिएन । 

दुई नेताबीच केहीबेरअघिदेखि वार्ता सुरू भएको हो। पार्टीभित्र विवाद सघन बनिरहेका बेला दुई अध्यक्ष केपी शर्मा ओली र पुष्पकमल दाहालबीच संवादको सिलसिला टुटेको थियो । 

दुवै पक्षका दोस्रो तहका नेताहरू सहमतिको साझा र मिलन विन्दु खोज्न जुटिराखेको ओली निकट स्रोतले जानकारी दियो। स्रोतका अनुसार पूर्वएमालेका तर्फबाट विष्णु पौडेल, शङ्कर पोखरेल, नेता नेम्वाङलगायत नेताहरू सक्रिय थिए । पूर्वमाओवादी केन्द्रका तर्फबाट जनार्दन शर्मा, वर्षमान पुनलगायत नेताहरू सक्रिय थिए ।

प्रधानमन्त्री ओलीले ५ दिनमा नेकपामा सहमति जुट्ने संकेत हिजो एक टेलिभिजन अन्तर्वार्तामा गरेका थिए । 

‘हप्ता दश दिन होइन हप्ता भन्दा यतै १० दिनको आधा पाँच दिनमा फेरि मसँग प्रश्न गर्नुस्, के हुन्छ सिनारियो । भोलि (बिहीवार) १ भनेर गन्न शुरू गर्नु होला,’ ओलीले अन्तर्वार्तामा भनेका थिए ।

ओलीको भनाइलगत्तै भएको भेटवार्तालाई निकै अथपूर्ण रूपमा हेरिएको छ । अध्यक्षद्वयबीच सहमति जुट्न नसक्दा असार १० गते शुरू भएको नेकपा स्थायी कमिटी बैठक अलपत्र पर्दै आएको छ ।

साउन ६ गते केही समयका लागि बसेको बैठक त्यसपछि अनिश्चितकालका लागि स्थगित भएको छ ।  केन्द्रीय कमिटी विघटन गरेर महाधिवेशन आयोजक समिति गठन गर्ने विकल्पमा समेत छलफल शुरू भएको नेकपा स्रोतले बतायो । 

महाधिवेशन आयोजक कमिटी बनाएर चैत्र अन्तिम साता महाधिवेशनमा जाने विकल्पमा पनि छलफल भइरहेको स्रोतको दाबी छ । अध्यक्षद्वयबीच छलफल नभएपनि नेकपा विवाद मिलाउन महासचिव विष्णु पौडेल लगायतका नेताहरूले भित्रभित्रै प्रयास गरिरहेका थिए ।

Related News

गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
  • २०७७ श्रावण २९

काठमाडौं– सङ्घीय लोकतान्त्रिक गणतन्त्र स्थापना भएको आज १५ वर्ष भएको...

TOP