२०७७ मंसिर १५, सोमबार
November 30, 2020, Monday

मिर्गौला प्रकरण : चिकित्सक, प्रहरी र वडाध्यक्ष सहित १२ जना पक्राउ

काठमाडौं- नक्कली नाता कायम गरी मिर्गौला प्रत्यारोपण गरेको अभियोगमा प्रहरीले पक्राउ गरेकाहरुको संख्या १२ पुगेको छ।

नेपाल प्रहरीको मानव बेचबिखन अनुसन्धान ब्युरोका अनुसार पक्राउ पर्नेमा नक्कली नाता कायम गर्ने जनप्रतिनिधिदेखि उक्त कार्यमा सघाउने तथा प्रत्यारोपणमा संलग्न चिकित्सक पनि छन्।

चितवनको कलेज अफ मेडिकल साइन्सेसले २०७६ जेठ २७ गते प्रत्यारोपण गरेको मिर्गौला १३ लाखमा खरिद बिक्रि भएको खुलेको हो।

ब्युरोको टोलीले शनिबार चितवनबाट तीनजना डाक्टरलाई पक्राउ गरेकोमा आइतबार ललितपुरबाट थप ९ जनालाई पक्राउ गरेको छ।

पक्राउ पर्ने चिकित्सकहरूमा राकेश बर्मा, सुप्रभात श्रेष्ठ, बालकृष्ण कालाखेती र किरण अधिकारी छन्।

श्रेष्ठ मेडिकल कलेजको प्रमुख सञ्चालक हुन्। उनी मेडिकल काउन्सिलको सदस्यसमेत हुन्।

पक्राउ पर्ने अन्यमा जिल्ला प्रशासन कार्यालय चितवनका प्रशासकीय अधिकृत रामचन्द्र ढकाल, उक्त मेडिकल कलेजका कानूनी सल्लाहकार रमेश काफ्ले, ललितपुर महानगरपालिका–३ का वडा अध्यक्ष गोपाल महर्जन छन्।

यस्तै जिल्ला प्रशासन कार्यालय ललितपुरका तात्कालीन खरिदार (हाल अवकाश प्राप्त) नवराज केसी, जिल्ला प्रशासन कार्यालयका सहयोगी सरोजकुमार के.सी छन्।

यस्तै प्रहरी सहायक निरीक्षक भिमप्रसाद खनाल, निलम्बित प्रहरी नायव निरीक्षक योगेन्द्रराज थपलिया, भक्तपुर जगाती बस्ने रेश्मा राई र जमुना राजभण्डारी पक्राउ परेका छन्।

व्यूरोका प्रमुख प्रहरी वरिष्ठ उपरीक्षक डा. देवबहादुर बोहोराले मिलेमतोमा विदेशमा रहेका व्यक्तिको विवरण प्रयोग गरी नक्कली कागजात खडा गरी गैरकानुनी रुपमा मिर्गौला प्रत्यारोपण गरिएको बताए।

बोहोराका अनुसार मिर्गौला दिने व्यक्ति खोटाङका हुन् भने लिने व्यक्ति ललितपुरका हुन्। वडा अध्यक्ष महर्जनले नाता नै नभएको व्यक्तिलाई भाञ्जा भनी प्रमाणित गरेको व्यूराले जनाएको छ।

व्यूरो स्रोतका अनुसार नक्कली भान्जाबाट १३ लाखमा मिर्गौला किनिएको थियो। खरिददेखि प्रत्यारोपणसम्म सम्पूर्ण प्रक्रियामा ३२ लाख खर्च भएको थियो।

व्यूरोका प्रवक्ता एसपी गोविन्द थपलियाले मिर्गौला खरिद बिक्रि भएको खुले पनि एकिन रकम भने खुलिनसकेको बताए। उनले पक्राउ परेकाहरुबारे थप अनुसन्धान भैरहेको जानकारी दिए।

Related News

भारतले नेपालमा राजतन्त्र फर्काउने नाममा हिंसा भड्काउन खोज्यो : जनमोर्चा नेता योगी
भारतले नेपालमा राजतन्त्र फर्काउने नाममा हिंसा भड्काउन खोज्यो : जनमोर्चा नेता योगी
  • २०७७ असार २८

राष्ट्रीय जनमोर्चाका सुदूरपश्चिम प्रदेश कोषाध्यक्ष तथा डोटी सचिव केशब नाथ योगीले भारतले नेपालमा राजतन्त्रका नाममा हिंसा भड्काउन खोजेको आरोप लगाए...

बैठक वस्न नदिने गरी विचार राख्न र अवरोध गर्न कुनैपनि अध्यक्षलाई अधिकार छैन : बामदेव गौतम
बैठक वस्न नदिने गरी विचार राख्न र अवरोध गर्न कुनैपनि अध्यक्षलाई अधिकार छैन : बामदेव गौतम
  • २०७७ असार २८

काठमाडौं । नेपाल कम्युनिष्ट पार्टी (नेकपा)का उपाध्यक्ष तथा संगठन विभाग प्रमुख बामदेव गौतमले पार्टीको विधान बमोजिम बैठक बस्नुपर्ने र बैठक...

काठमाडौं पुगे चिनियाँ रक्षामन्त्री : कस्लाई कस्लाई भेट्दैछन् ?
काठमाडौं पुगे चिनियाँ रक्षामन्त्री : कस्लाई कस्लाई भेट्दैछन् ?
  • २०७७ असार २८

चीनका रक्षा मन्त्री वेइ फेङहे  काठमाडौं आइपुगेका छन्।  चार्टर्ड जहाजमा आइतबार बिहान पौने ११ बजेतिर काठमाडौं आएका रक्षा मन्त्री फेङहे विमानस्थलबाट...

TOP