भोकको कारण नाकामा एक जनाको मृत्यु

“आक्रोशित भीड सरकार बिरुद्ध नाराबाजि गर्दे जनकपुरधाम तर्फ बढ्दै “

खाना नपाएको कारण एकजना जटही नाकामा मृत्यु भएपछि सयौँको संख्यामा नेपालीहरु प्रधानमन्त्री केपी शर्मा विरुद्ध प्रदर्शन गर्दै जनकपुरधाम तर्फ आइरहेका छन् ।

धनुषा जिल्लाको शहिदनगर नगरपालिकाका वडा नं. ९ का ३० वर्षीय विरेन्द्र यादवको मृत्यु भएपछि नाकामा रहेका नेपालीहरु प्रदर्शन गर्दै जनकपुरधाम तर्फ आइरहेका छन् ।  भारतमा रहेको समय करिब १५ दिन देखि चिउरा मुरही खाएको र जटही नाकामा आइसकेपछि राति छिर्न नदिएपछि भोकै मृत्यु भएको छ । मृतक यादव अहमदावादमा होटलमा कुकको रुपमा काम गर्दै आएका थिए ।

जटही नाकाबाट करिब ३ सय नेपाली लठी, भाटा प्रदर्शन गर्दै जनकपुरधाम तर्फ आइरहेका छन् । प्रर्दशनको क्रममा तिनीहरुले ज १ त १२१३ नम्बरको एम्बुलेन्समा समेत तोडफोड गरेका छन् । जटही नाकामा रहेको समय नेपाल सरकारले खानाको व्यवस्था नगरेको र खाना नपाएर एकजनाको मृृत्यु भएपछि त्यसको आक्रोसमा ती नेपालीहरु जटही नाकाबाट प्रदर्शन गर्दै जनकपुरधाम आइरहेका छन् ।

आक्रोसित नेपालीहरुलाई प्रहरी रोक्न खोज्दा तिनीहरुसँग समेत रुकेका छैनन् भने पत्रकारविरुद्ध समेत प्रदर्शन गर्दै आइरहेको छन् । पत्रकारहरुले आफुहरुको बारेमा समाचार समप्रेसन नगरेको भन्दै पत्रकार विरुद्ध समेत पर्दशन गर्दै जनकपुरधाम तर्फ नेपालीहरु आइरहेको छन् ।