विपी कोइराला मेमोरियल क्यान्सर अस्पतालका चिकित्सकहरूले धनगढीमा क्यान्सरका बिरामीहरुको परीक्षण, उपचार तथा शल्यक्रिया गर्नेछन् । जटिल प्रकृतिका बिरामीहरूलाई विपी कोइराला क्यान्सर अस्पताल बोलाइनेछ । विपी कोइराला मेमोरियल क्यान्सर अस्पतालका उप-निर्देशक युरोलोजिस्ट डाक्टर उमेश नेपालका अनुसार सेती अस्पतालमा महिनाको एक दिन शिविर सञ्चालन हुनेछ ।

स्वास्थ्य तथा जनसङ्ख्या मन्त्रालयको नीति अनुसार सुदूरपश्चिम प्रदेशको धनगढी, कर्णाली प्रदेशको सुर्खेत र गण्डकी प्रदेशको पोखरामा विपी कोइराला मेमोरियल क्यान्सर अस्पतालले प्रत्येक महिना शिविर सञ्चालन गर्नेछ ।