नगर विकास कोष सञ्चालक समिति सदस्यमा लम्की नगर प्रमुख शाही मनोनित

दिपायल– कैलालीको लम्की चुहा नगरपालिकाकी नगर प्रमुख शुशिला शाही नगर विकास कोष सञ्चालक समिति सदस्यमा मनोनित भएकी छिन् ।

बिहिबार बसेको संघिय मन्त्रीपरिषदको बैठकले शाहीसहित सातवटै प्रदेशका एक–एक स्थानीय तहका प्रमुखलाई सदस्यमा मनोनित गरेको हो ।

शहरी विकास मन्त्रालयको सिफारिसमा आएको प्रस्ताव अनुसार उनलाई सदस्यमा मनोनित गरिएको आज सार्वजनिक भएको निर्णयमा उल्लेख छ ।

नगर विकास कोष ऐन, २०५३ को दफा १४ को उपदफा २ (घ) बमोजिम शाहीलाई सञ्चालक समितिको सदस्यमा पदाधिकारी मनोनित गरिएको जनाइएको छ ।