२०८१ असार २९, शनिबार
July 13, 2024, Saturday

डोटीस्थित सेती नदीमा नुहाउन गएका कार चालक बेपत्ता

चालक तामाङ बेपत्ता भएको सेती नदी क्षेत्र

दिपायल- सेती नदीमा नुहाउने क्रममा एक जना बेपत्ता भएका छन् । धनगढी उप–महानगरपालिका–३ कैलालीका अन्दाजी ३८ वर्षीय नर बहादुर तामाङ बेपत्ता भएका हुन् ।

डोटीको शिखर नगरपालिका– ८ लुवाखडीस्थित सडक किनारमा कार रोकेर सेती नदिमा नुहाउन गएका चालक तामाङ सोमबार दिउँसो १ः ४६ बजे बेपत्ता भएका हुन् । जिल्ला प्रहरी कार्यालय डोटीका अनुसार धनगढीबाट अछाम तर्फ जाँदै गरेको सु.प.प्र. ०१ ००१ ज. १५३४ नम्बरको अल्टो कारका चालक तामाङ नुहाउने क्रममा बेपत्ता भएका हुन् ।

कार चालक तामाङ सेती नदीमा नुहाउने क्रममा बेपत्ता भएको भनी कारमा सवार रेवन्त अधिकारीले जानकारी प्रहरीलाई जानकारी गराएका थिए । तामाङको खोजिकार्यका लागि प्रहरी नायव उपरीक्षक भिमलाल भट्टराईको नेतृत्वमा प्रहरी टोली खटाइएको जिल्ला प्रहरी कार्यालयले जनाएको छ ।

Related News

त्रिशूलीमा खसेका थप दुई यात्रुको श*व नारायणी नदीमा भेटियो
त्रिशूलीमा खसेका थप दुई यात्रुको श*व नारायणी नदीमा भेटियो
  • २०८१ बैशाख १७

काठमाडौं– नारायणी नदी किनारामा थप दुइटा शव फेला परेको छ...

TOP