पूर्वीचौकी गाउँपालिकाका अध्यक्ष उपाध्यायलाई पितृशोक

दिपायल – पूर्वीचौकी गाउँपालिकाका अध्यक्ष एवं कांग्रेस महाधिवेशन प्रतिनिधि रामप्रसाद उपाध्यायलाई पितृशोक परेको छ । अध्यक्ष उपाध्यायका पिता यदुराज उपाध्यायको शुक्रबार राति १० बजे ८४ वर्षको उमेरमा निधन भएको हो ।

दमका बिरामी उपाध्यायको ८४ पूजा पछि शुक्रबार पूर्वीचौकी गाउँपालिका – ३ पाडागाँउ स्थित निवासमा निधन भएको हो।

स्व. उपाध्यायको शनिबार साझघाटमा दाहसंस्कार गरिएको छ । उपाध्यायको निधनप्रति कांग्रेस प्रदेश सभापति वीर बहादुर बलायर, जिल्ला सभापति नरेन्द्र बहादुर सिंह लगायतका नेताहरुले दुःख व्यक्त गर्दै भावपूर्ण श्रद्धाञ्जली अर्पण गरेका छन् ।