सशस्त्र संघर्षका बेला यौनजन्य हिंसामा परेका पीतिहरुले उजुरी दिन पाउने

दिपायल- सशस्त्र द्वन्द्वका समयमा यौनजन्य हिंसामा परेका पीडितहरुले पुनः उजुरी दिनसक्ने भएका छन् । बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग (तेस्रो संशोधन) विधेयकमा जबरजस्ती करणी र गम्भीर यौनजन्य हिंसामा परेका पीडितहरुले पुनः उजुरी दिनसक्ने व्यवस्था गर्न लागिएको हो ।

यसअघि संसदमा पेस भएको विधेयकमा यो व्यवस्था थिएन । सरोकारवाला पक्षसँग लामो छलफल र बहसपछि उपसमितिमा विधेयकमा यो व्यवस्था थप्न सहमति भएसँगै प्रतिनिधि सभाको कानुन समिति अन्तर्गतको उपसमितिले तयार पारेको प्रस्ताव आजै समितिको पूर्ण बैठकमा पेस हुँदैछ ।