भूमिहिन संघर्ष समितिद्धारा अत्तरियामा विरोध प्रदर्शन

धनगढी – सुदूरपश्चिम भूमिहिन सघर्ष समितिले अत्तरियामा विरोध प्रदर्शन गरेको छ । बिहिबार उनीहरुले नारा जुलुस गर्दै विरोध प्रदर्शन गरेका हुन् ।

उनीहरुले गोदावरी नगरपालिका कार्यालय अगाडी पनि विरोध प्रदर्शन गरेका थिए । उनीहरुले ‘आकाश मुनि पहरा, देउन सरकार पहरा’, ‘हाम्रो एउटै चाहना, गर्न पाइन्न बाहाना’ लगायतका नारा लगाएका थिए ।

सुदूरपश्चिम भूमिहिन सघर्ष समितिका सदस्य खगेन्द्र ताम्राकारले भूमिहिनलाई भूमि संगै गास बास कपासको व्यवस्था गरिनुपर्ने आफूहरुको माग गरेको बताए । उनले कुनै पनि ठाउँमा भूमि नभएकाहरुले जग्गा उपलब्ध हुनुपर्ने माग गर्दै आन्दोलन गरेको बताए ।