प्रतिनिधि सभा तर्फ डोटी, बैतडी र बझाङका उम्मेदवारले अधिकतम २७ लाख खर्च गर्न पाउने

दिपायल- निर्वाचन आयोगले निर्वाचन खर्चको अधिकतम सीमा तोकेको छ । मंसिर ४ गते हुने प्रतिनिध सभा निर्वाचनमा सहभागी डोटी, बझाङर बैतडीका उम्मेदवारले अधिकतम २७ लाख रुपैयाँ मात्र खर्च गर्न पाउने छन् ।

निर्वाचन आयोगले सूचना जारी गर्दै जिल्ला र भुगोल अनुसरा निर्वाचन खर्चको सीमा निर्धारण गरेको छ । जस अनुसार सुदूरपश्चिमका तीन जिल्लाहरु डोटी, बझाङ र बैतडीका उम्मेदवारले अधिकतम २७ लाख रुपैयाँ सम्म खर्च गर्न पाउने सीमा तोकिएको हो ।

सो भन्दा बढी खर्च गरेको पुष्टि भएमा कारबाही गरिने आयोगले जनाएको छ ।

आयोगले सुदूरपश्चिमका तीन जिल्ला सहित देशभरका २६ निर्वाचन क्षेत्रमा निर्वाचन खर्चको अधिकतम सीमा २७ लाख रुपैयाँ तोकेको छ ।