शताब्दी पुरुष सत्यमोहन जोशीको निधन

काठमाडौं – शताब्दी पुरुष संस्कृतिविद् सत्यमोहन जोशीको  १०३ वर्षको उमेरमा निधन भएको छ।

उनको आज बिहान ७ बजेर ९ मिनेटमा उपचारकै क्रममा किष्ट मेडिकल कलेजमा निधन भएको हो ।

१०३ वर्षीय जोशीमा मुटु र प्रोष्टेटको समस्या थियो। उनमा कमजोरी बढेपछि यही असोज ७ गते किष्ट मेडिकल कलेजको इमर्जेन्सी वार्डमा भर्ना गरिएको थियो । रगत परीक्षणको क्रममा उनमा डेंगु संक्रमण पुष्टि भएको थियो।