दिपक मनाङे निर्विरोध निर्वाचित

दिपायल- मनाङबाट प्रदेशसभा सदस्यमा दिपक मनाङे निर्विरोध निर्वाचित भएका छन्।

मनाङको प्रदेशसभा निर्वाचन ‘ख’बाट प्रदेश सभा सदस्यका लागि दिपक मनाङे भनेर चिनिने राजीव गुरुङ निर्विरोध निर्वाचित भएका हुन्। गुरुङसँगै दोर्जे लामाको उम्मेदवारी परेको थियो।

कांग्रेस र एमाले दुबैले मनाङेलाई समर्थन गर्दै उम्मेदवारी दिएका थिएनन्। मनाङले सुरुमा सत्ता गठबन्धनको समर्थनमा चुनाव लड्ने बताएका थिए। तर मनोनयन गर्नुअघि उनले गठबन्धन छोडिसकेको बताएपछि एमालेले पनि उम्मेदवारी दिएको थिएन।

स्वतन्त्र उम्मेदजार दोर्जेले बुधबार उम्मेदवारी फिर्ताका लागि निवेदन दिएका छन्। अब मनाङेको मात्र उम्मेदवारी कायम रहेको र प्रक्रिया पुरा गरेर आजै दिउँसो निर्विरोध निर्वाचित घोषणा गरिने मनाङ मुख्य निर्वाचन अधिकृतको कार्यालयले जनाएको छ।

मनाङे २०७४ मा पनि स्वतन्त्र उम्मेदवार थिए। एमालेले समर्थन गरेपछि चुनाव जितेका थिए।