डोटी लगायत सुदूरपश्चिमका ७ पहाडी जिल्लामा विद्युत अवरुद्ध

दिपायल – डोटी लगायत सुदूरपश्चिमका ७ पहाडी जिल्लामा विद्युत अवरुद्ध भएको छ । कैलालीको गोदवरिमा बिजुलिको टावर ढले पछि आईतबार बेलुकी देखि विद्युत अवरुद्ध भएको हो ।
आईतबार बेलुकी ६:०० बजेको समयमा गोदवरिको भ्यागुतेपानीमा बिजुलिको टावर ढलेको बिद्युत प्राधिकरण वितरण केन्द्र डडेल्धुराका निमित्त कार्यालय प्रमुख निरंजन शाहले जानकारी दिनुभयो ।

बिजुली नहुदा सात पहाडी जिल्लाका स्थानीयको जनजीवन प्रभावित भएको छ । आईतबार राती स्थानीय अन्धकारमा बस्न बध्य भए । बिद्युतबाट हुने काम्काज ठप्प छन । टावर भत्किए पछि वैकल्पिक उपायको काम भइरहेको उहाँले बताउनु भयो । पोल गाड्ने र पुरानो लाईनबाट बिद्युत प्रवाह गर्ने काम भइरहेको उहाँले बताउनु भयो ।

पुरानो लाईनबाट ल्याउदा भार धेरै हुने र बेला बेलामा बत्ती जाने समस्या हुने उहाँले बताउनु भयो । मौसम बदली र हल्का बर्षाले काम गर्न समस्या भइरहेको छ । उहाँले भन्नुभयो, आज बेलुकी सम्म बत्ती बल्ने प्रयास गरिरहेका छौ।