खप्तड-शैलेश्वरी गाेल्डकपको उपाधि कैलालीको टिमलाई

दिपायल – डोटीमा आयोजित सुदूरपश्चिम प्रदेश स्तरीय खप्तड-शैलेश्वरी गाेल्डकप २०७९ फुटबल प्रतियोगिताको उपाधि कैलाली जिल्लाको टिमले हात पारेको छ ।

साेमबार भएकाे कैलाली र भैरव प्रसाद गणकाे फाइनल खेलमा कैलालीले उपाधि जित्न सफल भएकाे हाे । कैलालीकाे टिमले सुन्यका बिरूद्ध २ गाेल हान्दै बिजेता भएकाे हाे ।

बिजेता भएसंगै कैलालीले १ लाख नगद सहित ट्रफि र प्रमाणपत्र हात पारेकाे छ भने उपबिजेता भैरव प्रसाद गणले ५० हजार नगद तथा ट्रफि, प्रमाणपत्र प्राप्त गरेको छ ।

असाेज ८ गतेदेखि १० गतेसम्म संचालन भएकाे गाेल्डकप फुटबल प्रतियोगितामा ६ वटा टिम सहभागी भएका थिए । पहिलाे सेमिफाइनलमा डाेटीकाे टिमलाई हराउँदै भैरव प्रसाद गणकाे टिम फाइनलमा पुगेकाे थियाे भने दाेस्राे सेमिफाइनलमा लैलालीले डडेल्धुरालाई हराउँदै फाइनलमा आएकाे थियाे ।

दिपायल सिलगढी नगरपालिका वडा नम्बर ६, भैरव प्रसाद गण सिलगढी र जिल्ला अस्पताल डाेटीकाे संयुक्त आयाेजनामा संचालन भएकाे गाेल्डकप फुटबल प्रतियाेगितामा उत्कृष्ट खेलाडीकाे उपाधि कैलालीका सुरेन्द्र रानाले प्राप्त गरेका छन् ।

प्रतियोगितामा कैलाली, डाेटी, बाजुरा, डडेल्धुरा, उद्योग बाणिज्य संघ डाेटी, भैरव प्रसाद गणका टिम सहभागी रहेका थिए ।

प्रतियोगिताको पुरस्कार दिपायल सिलगढीमा नगरपालिकाका नगर प्रमुख विजय खड्का लगायत अन्य अतिथिहरुले वितरण गरेका थिए।