२०७९ श्रावण २९, आईतवार
August 14, 2022, Sunday

चितुवाको आक्रमणबाट डोटीमा दुई जना घाइते

दिपायल– डोटीको दिपायल सिलगढी नगरपालिका वडा ७ उडितोलामा घरभित्र चितुवा पसेको छ ।

घरभित्र पसेको चितुवाले दुईजनालाई घाइते बनाएको छ ।

शुक्रबार बिहान साढे १० बजेतिर तल्लो उडितोलास्थित पार्वती विकको घरभित्र चितुवा पसेको प्रहरीले जनाएको छ ।

चितुवाको आक्रमणबाट पार्वती विक र उनकी छोरी लक्ष्मी विक घाइते भएको जिल्ला प्रहरी कार्यालय डोटीले जानकारी दिएको छ ।

जिल्ला प्रहरी कार्यालय डोटीका प्रहरी निरीक्षक लक्ष्मीराज जोशीका अनुसार घरभित्र रहेका उनीहरूलाई चितुवाले आक्रमण गरेको हो ।

घरभित्र छिरेको चितुवा केही बेरपछि मात्रै निस्किएको थियो ।

चितुवाको आक्रमणमा परेकी ४५ वर्षीया पार्वतीको हात, टाउकोमा र उनकी ३ वर्षीया छोरी लक्ष्मीको घाँटी र टाउकोमा चोट लागेको छ ।

उनीहरूको अवस्था सामान्य रहेको र जिल्ला अस्पताल डोटीमा उपचार भइरहेको छ ।

यसरी दिउँसै चितुवा गाउँमा पसेपछि स्थानीय त्रसित भएका छन् ।

अहिले जिल्ला प्रहरी कार्यालय डोटी र डिभिजन बन कार्यालय डोटीको टोली र स्थानीयको सहयोगमा चितुवालाई बनतिर पठाइएको छ ।

Related News

अपाङ्ग अधिकार मञ्च नेपालको अध्यक्षमा शारदा विष्ट
अपाङ्ग अधिकार मञ्च नेपालको अध्यक्षमा शारदा विष्ट
  • २०७९ असार ३

दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...

TOP