हेर्दाहेर्दै महिलाले सेती पुलबाट हाम फालिन् , अवस्था अज्ञात

डोटी – दिपायल स्थित सेती नदीको पुल माथिबाट एक महिलाले हाम फालेकी छिन् । वरिपरिबाट हेर्दाहेर्दै पुलबाट हाम फालेकी ती महिलाको पहिचान खुल्न सकेको छैन ।

शुक्रबार दिउँसो महिलाले पुलमाथि बाट एक्कासी हाम फालेकाे प्रत्यक्षदर्शीलाई उदृत गर्दै प्रहरीले जनाएको छ । अहिले युवतीको अवस्था अज्ञात रहेको छ। उनको खोजीकार्यका लागि प्रहरी, सशस्त्र प्रहरी परिचालन गरिएको जिल्ला प्रहरी कार्यालय डोटीका प्रहरी निरीक्षक रवीन्द्र चन्दले बताए ।