२०७८ मंसिर ११, शनिबार
November 27, 2021, Saturday

डोटीमा मृत फेला परेकी महिला को हुन् ?, आफन्तद्वारा हत्या गरेको आशंका

डोटी– डोटीको पूर्वीचौकी गाउँपालिका–१ सिर्मामा बेवारिसे अवस्थामा भेटिएको शवको पहिचान खुलेको छ । मंगलबार दिपायल सिलगढी नगरपालिका र पूर्वीचौकी गाउँपालिको सिमा क्षेत्रमा पर्ने स्वागत गेट नजिकको जङ्गलमा भेटिएको शवकोे पहिचान खुलेको हो ।

फेला परेको बेवारिसे शव आदर्श गाउँपालिका वडा नं. १ बाँझककानी सालगाउँकी ४२ वर्षीय बसन्ती लुहारको रहेको जिल्ला प्रहरी कार्यालय डोटीका प्रहरी नायब उपरीक्षक इन्द्रबहादुर मल्लले बताए । मृत महिलाका आफन्त घटना स्थलमा पुगेपछि शवको पहिचान खुलेको हो । शव पोष्टमार्टमका लागि जिल्ला अस्पताल डोटीमा राखिएको छ ।

घटना स्थलमा एउटा, चस्मा, झोला, सल र महिलाको सुनको गहना भेटिएको प्रहरीले जनाएको छ । मृत फेला परेकी महिला बैशाख २ गते घरबाट आँखाको उपचार गर्न भनि जिल्ला सदरमुकाम सिलगढी आएको र त्यही दिनबाट बेपत्ता भएको उनका आफन्त चक्र बिकले बताए । अस्पताल आएकी उनि सदरमुकाम भन्दा धेरै टाढाको जङ्गलमा मृत भेटिनु शंकास्पद रहेकोले हत्या भएको हुनसक्ने उनको भनाईछ ।

शव फेला परेको दिन मंगलबार ति महिलाको नम्बरमा फोन लागेको बिकले बताए । फोन उठाउने मान्छेले सो फोन कल दैलेख परेको र सिमकार्ड फालेको अवस्थामा बच्चाले फेला पारेर आफुलाई दिएको बताएका थिए । फोन उठाउने मान्छेले आफु १६ वर्ष उमेरको भएको बताएका थिए ।

मृतक महिलाका श्रीमानको १२ वर्ष पहिला निधन भैसकेको र उनका जेठा छोरा भारतमा रहेको बुझिएको छ । चार छोरीको विवाह भैसकेको छ । उनि घरमा एक्लै बस्ने गरेको उनका छिमेकी छोरो पर्ने चक्र बिकले बताए ।

घटना शंकास्पद भएकाले थप अनुसन्धान भैरहेको प्रहरीले जनाएको छ ।

Related News

सुदूरपश्चिम कांग्रेस सभापतिमा शाहीको उम्मेदवारी घोषणा
सुदूरपश्चिम कांग्रेस सभापतिमा शाहीको उम्मेदवारी घोषणा
  • २०७८ बैशाख ८

डोटी- नेपाली कांग्रेस सुदूरपश्चिम प्रदेशको सभापतिमा युवा नेता पुष्पकुमार शाहीले उम्मेदवारी घोषणा गरेका छन् । शनिबार दिपायलमा आयोजित पत्रकार सम्मेलन...

जंगे पिल्लर छेउमै उभिएर उम्मेदवारी  घोषणा
जंगे पिल्लर छेउमै उभिएर उम्मेदवारी घोषणा
  • २०७८ बैशाख ८

कैलाली – कांग्रेसका नव निर्वाचित केन्द्रीय महाधिवेशन प्रतिनिधि तथा नेपाल विद्यार्थी संघका पूर्व कार्यवाहक केन्द्रीय अध्यक्ष क्षितिज भण्डारीले नेपाल–भारत सीमा...

हेर्दाहेर्दै महिलाले सेती पुलबाट हाम फालिन् , अवस्था अज्ञात
हेर्दाहेर्दै महिलाले सेती पुलबाट हाम फालिन् , अवस्था अज्ञात
  • २०७८ बैशाख ८

डोटी – दिपायल स्थित सेती नदीको पुल माथिबाट एक महिलाले हाम फालेकी छिन् । वरिपरिबाट हेर्दाहेर्दै पुलबाट हाम फालेकी ती...

TOP