२०७८ मंसिर ११, शनिबार
November 27, 2021, Saturday

केपीले संसद विघटन मात्रै गरेका होईनन्, कम्युनिष्टहरुको प्रबृत्ति दर्शाएका हुन् :- उपाध्याय

डोटी- नेपाली कांग्रेस डोटीका नेता रामप्रसाद उपाध्यायले कम्युनिष्ट शासनको वर्तमान कालखण्डमा भ्रष्टाचारले चरमचुली नाघेको बताएका छन् । नेपाली कांग्रेसले शनिवार गरेको देशका सबै स्थानीय तहमा विरोध सभाका क्रममा डोटीको आदर्श गाउँपालिकाको सभालाई सम्बोधन गर्दै उनले यस्तो बताएका हुन् ।

‘लुट्नसके लुट् कान्छा भन्ने प्रबृत्ती मौलाएको छ । कम्युनिष्टका गाउँदेखी केन्द्रसम्मका शासकहरु लुट्नमै लागेका छन्,’ उनले भने,‘खबरदार कोही बच्दैनौँ । कांग्रेस जितेर आएर सबैका फाईल खोल्छौ । सबैलाई जेल कोच्छौ ।’ जनताको पसिनाबाट आर्जेको राज्यस्रोतमाथिको दोहन कांग्रेसलाई असह्य भएको उनले बताए ।

‘कांग्रेले साना दुखले जोडेको राज्यस्रोत होईन त्यो । जनतालाई भ्रममा राखेर बटुलेको जनमतको बलमा भ्रष्टाचार गरेर उम्कने सपना नदेखे हुन्छ,’ उनले भने । अवको निर्वाचनपछि कांग्रेसको जीत सुनिश्चित रहेको दाबी गर्दै उनले त्यसपछि भ्रष्टहरुको सम्पत्ती सुद्धिकरण गरिने उनले बताए ।

सरकारले असंबैधानिक रुपमा प्रतिनिधिसभा विगठन गरेर आफ्नौ प्रबृत्ती दर्शाएको नेता उपाध्यायले बताए । उनले भने,‘केपीले संसद विघटन गरेका मात्रै होईनन् । कम्युनिष्टहरुको प्रबृत्ति दर्शाएका हुन् । कम्युनिष्ट शासनका लागि अफापसिद्ध छन भन्ने कुरालाइ पुनर्पुष्टि गरेका हुन ।’

कांग्रेस सम्मानित अदालतको निर्णय पर्खेर अघि बढ्ने पनि उनले बताए । ‘हामी सम्मानित अदालतको निर्णय पर्खेका छौ । त्यसपछि देशलाई समेट्दै अघि बढ्न तयार छौ ।’
आदर्श गाउँपालिकामा स्वास्थ्यकर्मी विरामी हुँदा समेत एम्बुलेन्स नपाएको घटनाप्रति उनले खेद प्रकट गरे ।

कार्यक्रममा शिखर नगरपालिकाकी उपप्रमुख धौलीदेवी रावल, नेपाली कांग्रेस जिल्ला कार्यसमिति सदस्य चन्द्रनाथ ओझा लगायतले सम्बोधन गरेका थिए ।

Related News

सुदूरपश्चिम कांग्रेस सभापतिमा शाहीको उम्मेदवारी घोषणा
सुदूरपश्चिम कांग्रेस सभापतिमा शाहीको उम्मेदवारी घोषणा
  • २०७७ माघ ४

डोटी- नेपाली कांग्रेस सुदूरपश्चिम प्रदेशको सभापतिमा युवा नेता पुष्पकुमार शाहीले उम्मेदवारी घोषणा गरेका छन् । शनिबार दिपायलमा आयोजित पत्रकार सम्मेलन...

जंगे पिल्लर छेउमै उभिएर उम्मेदवारी  घोषणा
जंगे पिल्लर छेउमै उभिएर उम्मेदवारी घोषणा
  • २०७७ माघ ४

कैलाली – कांग्रेसका नव निर्वाचित केन्द्रीय महाधिवेशन प्रतिनिधि तथा नेपाल विद्यार्थी संघका पूर्व कार्यवाहक केन्द्रीय अध्यक्ष क्षितिज भण्डारीले नेपाल–भारत सीमा...

हेर्दाहेर्दै महिलाले सेती पुलबाट हाम फालिन् , अवस्था अज्ञात
हेर्दाहेर्दै महिलाले सेती पुलबाट हाम फालिन् , अवस्था अज्ञात
  • २०७७ माघ ४

डोटी – दिपायल स्थित सेती नदीको पुल माथिबाट एक महिलाले हाम फालेकी छिन् । वरिपरिबाट हेर्दाहेर्दै पुलबाट हाम फालेकी ती...

TOP