२०७८ श्रावण १७, आईतवार
August 1, 2021, Sunday

सुदूरपश्चिम र कर्णालीका पहाडी क्षेत्रमा वर्षा हुने : उच्च भूभागमा हिमपातको सम्भावना

पश्चिम नेपालमा पनि पश्चिमी वायुको प्रभाव देखिएको छ । भारतको राजधानी दिल्ली लगायतका क्षेत्रमा शनिबारदेखि वर्षा सुरु भएकोमा त्यसको असर पश्चिम नेपालमा पनि परेको हो । मौसम पूर्वानुमान महाशाखाका मौसमविद् मीनकुमार अर्यालका अनुसार पश्चिमी वायु सक्रिय भएकाले सुदूरपश्चिम र कर्णाली प्रदेशका पहाडी क्षेत्रमा आइतबार दिउँसो पानी पर्ने देखिएको छ ।

‘यो पटक पश्चिमी वायु सक्रिय भएको देखिन्छ, यसको प्रभाव पनि बेसी नै हुन्छ,’ अर्यालले भने, ‘मंगलबारसम्म मध्य नेपाल हुँदै काठमाडौं उपत्यकासम्म प्रभाव पर्न सक्छ ।’ मौसमविद अर्यालका अनुसार हिउँदे वर्षाका कारण हिमाली क्षेत्रमा हिमतापको सम्भावना छ । आइतबार सुदूरपश्चिम, कर्णाली र गण्डकी प्रदेशका उच्च हिमाली भूभागमा हिमपातको सम्भावना रहेकामा यो प्रक्रिया क्रमशः पूर्वतिर सर्दै जाने देखिन्छ ।

‘तापक्रममा कमी साथै सुदूरपश्चिम, कर्णाली र गण्डकीमा हल्कादेखि मध्यम वर्षा हुने र त्यसक्षेत्रमा अझ चिसो बढ्ने हुनाले चिसोबाट बच्न तथा तराई र पहाडी भूभागका केही स्थानमा बिहानीपख हुस्सुरकुहिरोको कारणले वायुको पारदर्शितामा कमी हुन गई सडक तथा हवाई यातायात समेत प्रभावित हुन सक्ने सम्भावना रहेकोले आवश्यक सतर्कता अपनाउन हुन सबैमा अनुरोध छ,’ महाशाखाले भनेको छ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ पुष १९

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ पुष १९

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ पुष १९

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP