२०७९ श्रावण २९, आईतवार
August 14, 2022, Sunday

सुदूरपश्चिममा १७ सय ५ जना सक्रिय कोरोना संक्रमित

कैलाली- सुदूरपश्चिम प्रदेशमा कोरोना सक्रिय संक्रमितको संख्या १ हजार ७ सय ५ रहेको छ । बुधबार प्रदेशका विभिन्न जिल्लाबाट १७ जना संक्रमित निको भएर घर गएका छन् ।

प्रदेश सामाजिक विकास मन्त्रालयका अनुसार बुधबार सुदूरपश्चिम प्रदेशमा नयाँ संक्रमित भने थपिएका छैनन् । मन्त्रालयले जारी गरेको विज्ञप्ति अनुसार बुधबार सम्म सक्रिय संक्रमित बढी हुने जिल्लामा कैलाली रहेको छ ।

बुधबार कैलालीमा १ जना संक्रमित निको भएका छन् भने ७ सय ३४ जनामा सक्रिय संक्रमण रहेको मन्त्रालयले जनाएको छ ।

यसै गरी अछाममा ७३, बैतडीमा ४८, बझाङमा २ सय २४, बाजुरामा १९, दार्चुलामा २ सय १३, डोटीका १ सय ४५, कञ्चनपुरका १३ र अन्य स्थानमा रहेर उपचार गराइरहेका २४ जनामा सक्रिय संक्रमण रहेको मन्त्रालयले जनाएको छ ।

मन्त्रालयका अनु्सार सुदूरपश्चिम प्रदेशमा हाल सम्म १ लाख १४ हजार ५ सय २९ जनाको स्वावको नमूना संकलन गरिएकोमा १ लाख १३ हजार ८ सय ६२ जनाको स्वाव परिक्षण भएको छ ।

परिक्षण भएका मध्य हाल सम्म १० हजार ५ सय ६७ जनामा कोरोना संक्रमण पुष्टि भएको छ, भने ८ सय ४७ जनाको स्वाव परिक्षण हुन बाँकी रहेको छ ।

प्रदेशमा हाल सम्म कोरोना संक्रमणका कारण ३२ जनाको मृत्यु भएको छ । मृत्यु हुनेमा कैलालीका १७, बझाङ र कञ्चनपुरका ३÷३, अछाम, बाजुरा र डडेल्धुराका २÷२ तथा बैतडी, दार्चुला र डोटीका १÷१ जना रहेका छन् ।

Related News

अपाङ्ग अधिकार मञ्च नेपालको अध्यक्षमा शारदा विष्ट
अपाङ्ग अधिकार मञ्च नेपालको अध्यक्षमा शारदा विष्ट
  • २०७७ मंसिर ४

दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...

TOP