२०७९ माघ १८, बुधबार
February 1, 2023, Wednesday

कर्मचारीमा कोरोना देखिएपछि बित्थडचिर गाउँपालिका तीन दिनका लागि बन्द

बझाङ –बझाङको बित्थडचिर गाउँपालिकाका स्वास्थ्य शाखामा कार्यरत कर्मचारीमा कोभिड १९ संक्रमण देखिएपछि गाउँपालिका तीन दिनका लागि बन्द गरिएको छ ।

कर्मचारीको कोरोना रिपोर्ट पोजिटिभ आएपछि गाउँपालिका कार्यालय कार्तिक २८ गतेसम्मको लागि बन्द गरिएको प्रवक्ता हर्क बहादुर धामिले बताए । ‘संक्रमण फैलन सक्ने जोखिमका कारण तीन दिन गाउँपालिकाका सबै सेवा बन्द गरिएको उनले जानकारी दिए ।

जिल्ला अस्पताल बझाङमा २४ गते गरिएको परिक्षण प्राथमिक स्वास्थ्य केन्द्रमा कार्यरत एक जना र गाउँपालिकामा कार्यरत एक जना कर्मचारीमा कोरोना संक्रमण पुष्टि भएको थियो ।

संक्रमण देखिएका कर्मचारीको सम्पर्कमा आएका गाउँपालिकाका कर्मचारी र जनप्रतिनिधिको पहिचान गरि स्वाब संकलन थालिएको छ । ‘५० जना बढिको स्वाब संकलन गरेर पठाउने तयारी गरिएको छ,’ प्रवक्ता धामीले भने। गाउँपालिकाले कार्यालय बन्द गर्ने सूचना जारी गरेपछि कार्यालय बन्द भएपनि वडा कार्यालय र बजार भने खुलेका छन् ।

Related News

कञ्चनपुरमा नाबालिकामाथि बलात्कार गरेको आरोपमा अनाथालयका प्रमुख पक्राउ
कञ्चनपुरमा नाबालिकामाथि बलात्कार गरेको आरोपमा अनाथालयका प्रमुख पक्राउ
  • २०७७ कार्तिक २५

दिपायल – कञ्चनपुरमा नाबालिकामाथि बलात्कार गरेको आरोपमा अनाथालयका प्रमुख पक्राउ...

TOP