२०७८ बैशाख २३, बिहीबार
May 6, 2021, Thursday

संक्रमितको निःशुल्क उपचार गर्ने सर्वोच्चको आदेश विरुद्ध सरकारको पुनरावलोकन निवेदन

काठमाडौँ – कोरोना संक्रमितको निशुल्क उपचार गर्नू भन्ने परमादेश सच्याउन सरकारले सर्वोच्च अदालतमा पुनरावलोकन निवेदन दर्ता गरेको छ। परमादेशविरुद्ध स्वास्थ्य तथा जनसंख्या मन्त्रालयले पुनरावलोकन निवेदन दिएको छ। 

आइतबार मन्त्रालयका सचिव लक्ष्मण अर्यालले महान्यायाधिवक्ताको कार्यालयमार्फत् सर्वोच्च अदालतमा पुनरावलोकन निवेदन दिएका हुन्।

सर्वोच्चको आदेशलाई लत्याउँदै संक्रमित आफैँले उपचार गर्नुपर्ने निर्णय गरेको सरकारले उक्त आदेश पनि सच्याउन माग गर्दैै आइतबार महान्यायधिवक्ता कार्यालयमार्फत पुनरावलोकनको निवेदन दिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिए।

अधिवक्ता लोकेन्द्र ओली र केशरबहादुर केसीले दायर गरेको रिटमा सर्वोच्च अदालतका न्यायाधीशद्वय डा.आनन्द मोहन भट्टराई र टंकबहादुर मोक्तानको संयुक्त इजलासले १५ असोजमा निःशुल्क गर्न आदेश गरेको थियो। 

मन्त्रालयले गरेको पुनरावलोकन निवेदनमा भने राज्यको स्रोत साधन र जनशक्तिले नभ्याउने भन्दै शुल्क लिनुपरेको दाबी गरिएको छ।

‘कोभिड–१९ को प्रकोप शुरु भएदेखि नै यसको नियन्त्रण तथा उपचारका लागि निर्वाह गरेको भूमिकालाई अदालतले अनदेखा गरी आदेश जारी गरेको देखिन्छ’ निवेदनमा जिकिर गरिएको छ। 

सरकारले मापदण्ड निर्धारण गरेर निःशुल्क परीक्षण र उपचार गर्ने गराउने कार्य जनस्वास्थ्य सेवा ऐन, २०७५ तथा नेपालको संविधान प्रदत मौलिक हकविपरित भन्न नमिल्ने मन्त्रालयको जिकिर छ। 

मन्त्रालयले कानूनी अपव्याख्या गरी परमादेश जारी गरिएको हुँदा पुनरावलोकन गर्न माग गरेको छ।  

रिट दायर गरेका अधिवक्ताद्वयले अदालतको आदेश पालना नगरेको भन्दै पुनः सर्वोच्च अदालतमा अवहेलनाको मुद्दा पनि दायर गरिसकेका छन्। 

Related News

डोटीका थप ४६ जनामा कोरोना संक्रमण पुष्टि
डोटीका थप ४६ जनामा कोरोना संक्रमण पुष्टि
  • २०७७ कार्तिक १७

डोटी- पछिल्लो २४ घण्टाको परीक्षणमा डोटीका थप ४६ जनामा कोरोना संक्रमण पुष्टि भएको छ ।

हामी त डुब्छौं, तिमीलाई पनि लिएर डुब्छौं : रामकुमारी झाँक्री
हामी त डुब्छौं, तिमीलाई पनि लिएर डुब्छौं : रामकुमारी झाँक्री
  • २०७७ कार्तिक १७

नेकपा एमालेकी नेतृ रामकुमारी झाँक्रीले पार्टी अध्यक्ष केपी शर्मा ओलीलाई सत्ताबाट हटाएरै छाड्ने संकेत गरेकी छिन्। झाँक्रीले विम्वात्मक शैलीमा कडा...

देउवा भेट्न प्रधानमन्त्री ओली दलबलसहित बूढानीलकण्ठमा
देउवा भेट्न प्रधानमन्त्री ओली दलबलसहित बूढानीलकण्ठमा
  • २०७७ कार्तिक १७

काठमाडौं– प्रधानमन्त्री केपी शर्मा ओली काँग्रेस सभापति शेरबहादुर देउवा भेट्न बूढानीलकण्ठ पुगेका छन् । एमाले समेत अध्यक्ष समेत रहेका ओली...

TOP