२०७८ आश्विन ९, शनिबार
September 25, 2021, Saturday

हिजो मात्रै प्रधानमन्त्रीलाई भेटेका शिक्षामन्त्री पोखरेललाई कोरोना

काठमाडौं- शिक्षा, विज्ञान तथा प्रविधिमन्त्री गिरिराजमणि पोखरेललाई कोरोना संक्रमण पुष्टि भएको छ।

परीक्षणका लागि हिजो (शनिबार) स्वाब दिएकामा आज कोरोना पाेजेटिभ रिपोर्ट आएको मन्त्री पोखरेलका स्वकीय सचिव पुरन केसीले बताए।

केसीका अनुसार हिजोदेखि नै मन्त्री पोखरेललाई ज्वरो आएपछि पाटन अस्पताल भर्ना गरिएको छ। शिक्षामन्त्री पोखरेललाई कोरोना पुष्टि भएपछि प्रधानमन्त्री केपी शर्मा ओली पनि कन्ट्याक ट्रेसिङमा परेका छन्।

डा. गोविन्द केसीको अनशन तोडाउने विषयमा छलफल गर्न सरकारी वार्ताटोलीलाई लिएर मन्त्री पोखरेल हिजो बिहान मात्रै बालुवाटार पुगेका थिए। मन्त्री पोखरेल, सरकारी वार्ताटोली र प्रधानमन्त्रीबीच केहीबेर छलफल भएको पुरन केसीले जानकारी दिए।

बालुवाटारमा छलफल गर्दा नै असहज महसुस भएपछि पोखरेल क्वार्टरमा फर्किएर केहीबेरमा पाटन अस्पताल पुगेका थिए।

सरकारी बार्ता टोलीमा हिजो शिक्षा सचिव गोपीनाथ मैनाली, स्वास्थ्य मन्त्रालयका सहसचिव डा. गुणराज लोहनी र चिकित्सा शिक्षा आयोगका निर्देशक डा. दिलिप शर्मा थिए। दिउँसो मन्त्रीसँग छलफल गरेका शिक्षा सचिव मैनाली अनशनरत डा. केसीलाई भेट्न राति नै शिक्षण अस्पताल महाराजंगज पुगेका थिए।

हिजो मात्रै संस्कृति, पर्यटन तथा नागरिक उड्डयन मन्त्री योगेश भट्टाराईलाई कोरोना संक्रमण पुष्टि भएको थियो।

Related News

समाज कल्याण परिषदका पदाधिकारीले दिए सामूहिक राजीनामा
समाज कल्याण परिषदका पदाधिकारीले दिए सामूहिक राजीनामा
  • २०७७ आश्विन २५

काठमाडौं – सरकार परिवर्तन भएसँगै समाज कल्याण परिषद्का पदाधिकारी पनि बाहिरिएका छन् । तत्कालिन समयमा केपी शर्मा ओली नेतृत्वको सरकारले...

चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
  • २०७७ आश्विन २५

काठमाडौँ – नेकपा एमालेका स्थायी कमिटी सदस्य एवम् पूर्वगृहमन्त्री रामबहादुर थापा‘बादल’ले आफू प्रचण्डसँग चुनाव लड्न तयार भएको बताएका छन् । आज...

एमालेको केन्द्रीय कमिटी बैठक सुरु, विधान महाधिवेशनबारे छलफल
एमालेको केन्द्रीय कमिटी बैठक सुरु, विधान महाधिवेशनबारे छलफल
  • २०७७ आश्विन २५

काठमाडौं । नेकपा एमालेको केन्द्रीय कमिटी बैठक सुरु भएको छ । बैठक च्यासलस्थित तुल्सीलाल स्मृति प्रतिष्ठानको भवनमा बसेको हो ।...

TOP