२०७९ मंसिर २१, बुधबार
December 7, 2022, Wednesday

राष्ट्रियसभा सदस्यका लागि वामदेव सिफारिस

काठमाडौं– सरकारले राष्ट्रियसभा सदस्यका लागि नेकपा उपाध्यक्ष वामदेव गौतमलाई राष्ट्रपतिसमक्ष सिफारिस गर्ने निर्णय गरेको छ।

बालुवाटारमा आज साँझ बसेको मन्त्रिपरिषद् बैठकले गौतमलाई सिफारिस गर्ने निर्णय गरेको श्रममन्त्री रामेश्वरराय यादवले जानकारी दिए।

१८ भदौमा बसेको नेकपाको सचिवालय बैठकमा प्रधानमन्त्री केपी शर्मा ओलीले रिक्त पदमा गौतमलाई मन्त्रिपरिषद् बैठकले सिफारिस गर्ने जानकारी गराएका थिए। डा. युवराज खतिवडाको पद सकिएको ६ महिनापछि गौतमलाई राष्ट्रिय सभा सदस्यमा मनोनीतका लागि सिफारिस गरिएको हो।

मन्त्रिपरिषद्को सिफारिससँगै अब गौतमलाई राष्ट्रपतिले राष्ट्रिय सभा सदस्यमा मनोनीत गर्नेछिन्।

त्यस्तै आजको मन्त्रिपरिषद्को बैठकले सरकारको प्रवक्ताको जिम्मेवारी परराष्ट्रमन्त्री प्रदीप ज्ञवालीलाई दिएको मन्त्री रायले जानकारी दिए।

Related News

डोटीमा चितुवा आतंक : एउटै चितुवाको आक्रमणबाट ६ जना घाइते
डोटीमा चितुवा आतंक : एउटै चितुवाको आक्रमणबाट ६ जना घाइते
  • २०७७ भाद्र २९

दिपायल – डोटीमा चितुवाको आक्रमणमा परी ६ जना घाइते भएका...

TOP