पछिल्लो २४ घण्टामा डोटीका थप ५२ जनामा कोरोना पुष्टि

डोटी– पछिल्लो २४ घण्टा यता गरिएको परीक्षणमा डोटीका थप ५२ जनामा कोरोना संक्रमण पुष्टि भएको छ । जिल्ला अस्पताल डोटीको प्रयोग शालामा गरिएको आरटिपिसिआर परिक्षणमा २९ जना र एन्टिजेन परीक्षणमा २३ जनामा संक्रमण देखिएको हो ।

आइतबार कोरोना पुष्टिछ हुनेमा ३४ पुरुष र १८ महिला रहेको जिल्ला स्वास्थ्य कार्यालयले जनाएको छ । दिपायल सिलगढी नगरपालिकाका २२ जना, बोगटान फुड्सिल गाउँपालिकाका १४ जना, के.आई.सिंह गाउँपालिकाका ९ जना, शिखर नगरपालिकाका ४ र सायल गाउँपालिकाका ३ जनामा संक्रमण पुष्टि भएको हो ।

यो संगै जिल्लामा कोरोना संक्रमितको संख्या दुई हजार ५९ पुगेको स्वास्थ्य कार्यालय डोटीका निमित्त कार्यालय प्रमुख उद्धव बहादुर ठगुन्नाले जानकारी दिए ।