२०८० जेष्ठ १४, आईतवार
May 28, 2023, Sunday

अछाममा ढुंगा लागेर महिलाको मृत्यु : बैतडीमा ट्याक्टर दुर्घटनामा एक जनाको मृत्यु

अछाम: अछाममा ढुंगा लागेर एक महिलाको मृत्यु भएको छ। मृत्यु हुनेमा मंगलसेन नगरपालिका–१३ की ५३ वर्षीया विशुदेवि ढुंगाना रहेकी छिन्। 

जंगलमा घास काट्ने क्रममा भीरबाट खसेको ढुङगा लाग्दा उनको घटनास्थलमै मुत्यु भएको आफन्तले बताएका छन्।

भारत्या वनमा घाँस काट्न गएकी विशुुको शरिरको बिच भागमा ढुंगा लागेको उनकी बुहारी चन्द्रीका ढुंगानाले बताइन।

उता

बैतडीमा ट्याक्टर दुर्घटना हुँदा एक जनाको मृत्यु भएको छ भने दुई जना घाइते भएका छन ।

धनगढीबाट बझाङ तर्फ गईरहेको अनटेस्ट ट्याक्टर सोमबार बिहान २ बजे जयपृथ्वी राजमार्ग अन्तर्गत बैतडीको सिगास गाउपलिका ९ बाँजपानीमा दुर्घटना हुँदा बझाङको बित्थडचीर गाउँपालिका–४ का ४० बर्षे जितबहादुर बोहराको घटनास्थलमै मृत्यु भएको हो ।

ट्याक्टर चालक बझाङको बित्थडचीर गाउँपालिका–५ का ३२ वर्षीय नरेन्द्र महरा र ट्याक्टरमा सवार बित्थडचीर गाउँपालिका–४ का २० वर्षे कृष्ण बोहरा घाइते भएका जिल्ला प्रहरी कार्यालय बैतडीका प्रवक्ता प्रहरी निरीक्षक जनकबहादुर धामीले बताए । उनका अनुसार चालक नरेन्द्र महराको दुबै खुट्टा भाचिएका छन भने कृष्ण बोहराको खुट्टामा चोट लागेको छ ।

घाइते दुवैजनालाई उपचारका लागि डडेल्धुरा अस्पताल पठाइएको प्रहरीले जनाएको छ । ट्याक्टर सडकबाट करीब २ सय मिटर तल खसेको थियो ।

Related News

सरकारको स्पष्टीकरण : रेशम चौधरीलाई रिहाइ गर्न कानुनभन्दा बाहिर गएका छैनौँ
सरकारको स्पष्टीकरण : रेशम चौधरीलाई रिहाइ गर्न कानुनभन्दा बाहिर गएका छैनौँ
  • २०७७ पुष २०

काठमाडौं – सरकारले कानुनविद्हरूको सल्लाह सुझावका आधारमा रेशम चौधरीलाई रिहाइ...

TOP