२०७७ माघ ३, शनिबार
January 16, 2021, Saturday

गोरुले हानेर आन्द्रा भुँडी बाहिर निस्किएकी महिला निको भएर घर फर्किइन्

डोटी – गोरुले हानेर आन्द्रा भुँडी बाहिर निस्किएकी महिला डिस्चार्ज भएकी छिन् । सुजंङ्ग अस्पतालले एक हप्ता सम्मको उपचार पछि उनलाई मंगलबार डिस्चार्ज गरीएको हो ।

दिपायल सिलगढी नगरपालिका – ८ लडागडकी ७२ वर्षीया पारु देवी कडायत गोरुले हान्दा गम्भीर घाइते भएकी थिइन् । मंसिर १७ गते अस्पताल भर्ना भएकी उनको १८ गते स्त्रीरोग विशेषज्ञ डा. पंकज प्रताव, एनेस्थेसिए जनकराज पाण्ड्ये लगायतको टोलीले अप्रेसन गरिएको थियो ।

घाइते कडायतको आन्द्रा भुँडी बाहिर निस्केको र आन्द्रामा गहिरो चोट लागेको अवस्थामा अप्रेसन सहितको उपचार गरिएको डा. प्रतावले बताए ।

यस अघि कार्तिकमा शिखर नगरपालिका वडा नं. ५ तिजालीकी ७५ वर्षीय हरुली देवी साउँद पनि गोरुको आक्रमणले घाइते भएकी थिइन् । गोरुको आक्रमणले उनको पनि आन्द्रा भुँडी बाहिर निस्कनुको साथै आन्द्रामा चोट लागेको थियो । उनलाई पनि सुजंङ्ग अस्पतालले एक हप्ताको सफल उपचार पछि घर पठाइएको थियो ।

अस्पतालले अप्रेसनद्वारा सुत्केरी गराउने, पाठेघरको अप्रेसन, निसन्तान दम्पत्तिको उपचार तथा परामर्श, सन्तानको रहर पुगेका दम्पतीहरुको भ्याक्सेटोमी मिनिल्याब सेवा दैनिक रुपमा दिँदै आएको अस्पतालका प्रशासन प्रमुख अर्जुन बालयरले बताए । अस्पतालमा यस बाहेक हाडजोर्नी, नसारोग, ओपिडी सेवा सहित रङ्गिन भिडियो एक्सरे, इसिजी, कम्पुटर डिजिटल एक्सरे , आधुनिक ल्याब सेवा उपलब्ध रहेको बलयारले बताए ।

Related News

कम्युनिष्टहरूले खलनायकको चरित्र देखाए : कांग्रेस सचिव जोशी
कम्युनिष्टहरूले खलनायकको चरित्र देखाए : कांग्रेस सचिव जोशी
  • २०७७ मंसिर २३

कांग्रेसको जगमा टेकेर कम्युनिष्टहरूले खलनायकको चरित्र देखाए : कांग्रेस सचिव जोशी डोटी – नेपाली कांग्रेस डोटीका सचिव नारायण जोशीले कम्युनिष्टहरूले...

कांग्रेसले आज डोटीका ९ स्थानीय तहसहित देशभरका ७५३ स्थानीय तहहरुमा प्रदर्शन गर्दै
कांग्रेसले आज डोटीका ९ स्थानीय तहसहित देशभरका ७५३ स्थानीय तहहरुमा प्रदर्शन गर्दै
  • २०७७ मंसिर २३

डोटी । प्रमुख प्रतिपक्षी नेपाली कांग्रेस आज (शनिबार) प्रतिनिधिसभा विघटनविरुद्ध डोटी लगायत देशभर विरोध प्रदर्शन गर्दैछ । प्रतिनिधिसभा विघटनको असंवैधानिक...

डाँका, लुटेरा र अपराधीको हातमा देश : पूर्वमन्त्री बलायर
डाँका, लुटेरा र अपराधीको हातमा देश : पूर्वमन्त्री बलायर
  • २०७७ मंसिर २३

डोटी– पूर्वमन्त्री एवं नेपाली कांग्रेसका केन्द्रीय सदस्य वीरबहादुर बलायरले डाँका, लुटेरा र अपराधीको हातमा देश गएको बताएका छन् । नेपाली...

TOP