सुदूरपश्चिममा थप एक जना कोरोना संक्रमितको मृत्यु : मृतकको कुल संख्या ५६ पुग्यो

डोटी- सुदूरपश्चिममा थप एक जना कोरोना संक्रमितको मृत्यु भएको छ । सेती प्रादेशिक अस्पतालमा उपचाररत कैलालीको गोदावरी नगरपालिका–३ का ७६ वर्षीय कोरोना संक्रमित पुरुषको मृत्यु भएको हो ।

मंसिर १४ गते अस्पताल भर्ना भएका ती पुरुषको शुक्रबार बिहान मृत्यु भएको अस्पतालका सूचना अधिकारी दिलिपकुमार श्रेष्ठले जानकारी दिए । मृतक दम रोगका समेत बिरामी रहेको अस्पतालले जनाएको छ ।

यो सँगै सुदूरपश्चिममा कोरोनाबाट मृत्यु हुनेको संख्या ५६ पुगेको छ ।