२०७९ माघ १८, बुधबार
February 1, 2023, Wednesday

मौसमी फ्लु र कोरोनालाई कसरी छुट्याउने ?

अहिले मौसम परिवर्तन भै रहेकाले  मौसमी फ्लुको जोखिम बढेको छ । यता कोरोनाको जोखिम पनि उच्च बिन्दुमा पुगेको छ ।  मौसमी फ्लु  र कोरोनाका लक्षणहरु मिल्दोजिल्दो भएकाले सामान्य रुघाखोकी लाग्दा पनि कोरोना भाइरसको सङ्क्रमण भयो कि भन्ने शङ्का धेरैमा हुने गरेको छ । 

मौसमी फ्लु र कोरोनालाई कसरी छुट्याउने ?

मौसमी फ्लु र कोरोना भाइरस दुवै भाइरल सङ्क्रमण ९इन्फेक्सन० हो । तर सामान्य रुघाखोकी लाग्दैमा डराउनु पर्दैन । मौसमी फ्लु हुँदा ज्वरो ९८ देखि एक सय डिग्रीसम्म पुग्छ । तर कोरोनाको सङ्क्रमण हुँदा ज्वरो एक सयभन्दा माथि पुग्छ । 

मौसमी फ्लु हुँदा दुईरचार दिनमा नै त्यसका लक्षण देखा पर्छन् । तर कारोनाको लक्षण १४ दिनसम्म देखा पर्छ । फ्लु लाग्दा एक हप्तासम्म रुघाखोकी लाग्ने र सामान्य ज्वरो आउने हुन्छ ।  फ्लु दुईदेखि चार दिनमा अरुमा सर्छ भने कोरोना चाररपाँच दिनको फरकमा सर्छ ।  

कोरोना भएमा कस्तो लक्षण देखिन्छ ? 

– रुघाखोकी लाग्दा पनि उच्च ज्वरो आउने

– निमोनियामा जस्तो स्वाँ–स्वाँ बढ्ने

– श्वास लिँदा धेरै बल लगाउनुपर्ने

– छातीमा गाह्रो हुने   

कस्तो अवस्थामा अस्पताल जाने ?

  – सामान्य रुघाखोकी लाग्दैमा अस्पताल जानुपर्दैन  

– ज्वरो १०१, १०२ डिग्रीभन्दा बढी आएमा

  – ज्वरो निरन्तर आएमा

– श्वास फेर्दा छाती धेरै दुखेमा वा श्वास फेर्न गाह्रो भएमा

– ज्यान धेरै कमजोर र लत्रक्क परेकोजस्तो देखिएमा  

– मधुमेह, मिर्गौला रोगीजस्ता दीर्घ रोगीले अस्पताल गएर परामर्श लिने   

प्रतिरोधात्मक क्षमता कसरी बढाउने ? 

– फलफुल, सागपात तथा हरिया तरकारीजस्ता प्राकृतिक खानेकुरा धेरै खाने 

– मासुजन्य परिकार सकेसम्म कम खाने र राम्ररी पकाएर खाने

– सकभर स्वस्थ्य रहने  

– प्रशस्त मात्रामा उमालेको पानी पिउने 

– धेरै मात्रामा झोल पर्दाथ पिउने  बिहानदेखि बेलुकासम्म के–के गर्ने ? 

– सबैभन्दा बढी हातको सरसफाइमा ध्यान दिने 

– काम गर्दा पटक पटक स्यानिटाइजर प्रयोग गर्ने 

– स्यानिटाइजर नभए साबुन पानीले हात धुने

  – शौचालय जाँदा र बाहिरबाट घर फर्केपछि २० सेकेण्ड मिचीमिची हात धुने

  – बाहिरबाट घर फर्केपछि लगाएको कपडा फेर्ने

  – हरेक दिन छुट्टाछुट्टै कपडा लगाउने 

– लुगा दैनिक रुपमा धुने र सकेसम्म दैनिक नुहाउने   

– घरबाहिर जाँदा मास्क लगाउने र नभए रुमालले मुख छोप्ने 

(वीर अस्पतालमा कार्यरत जनरल फिजिसियन डा. मिलन खड्कासँगको कुराकानीमा आधारित)

Related News

आज ७०औँ विश्व कुष्ठरोग दिवस, सुदूरपश्चिमका २०५ जनामा कुष्ठरोग
आज ७०औँ विश्व कुष्ठरोग दिवस, सुदूरपश्चिमका २०५ जनामा कुष्ठरोग
  • २०७७ भाद्र २३

दिपायल- ‘कुष्ठरोग अन्त्यका लागि आजैबाट पहल गरौँ’ भन्ने मुख्य नाराका...

TOP