२०७९ जेष्ठ ४, बुधबार
May 18, 2022, Wednesday

आईसोलेशनमा रहेका कोरोना संक्रमितलाई हाईजिन किट

गणेश मौनी

डोटी- नेपाल रेडक्रस सोसाईटीको ५८ औं स्थापना दिवसको अवसरमा आईसोलेशनमा रहेका कोरोना संक्रमितहरुलाई (स्वच्छता सामाग्री सेट) हाईजिन किट प्रदान गरिएको छ ।

हाईजिन किड बितरणका साथै कोभिड १९ को अग्र पंतीमा रहेर सेवा गर्नेहरुको सम्मानका लागि ताली बजाउदै दिवस मनाईएको नेपाल रेडक्रस सोसाईटी डोटी शाखाका शाखा प्रबन्धक शुवास श्रेष्ठले बताए ।

कोरोना संक्रमीतहरुलाई उपलब्ध गराएको (स्वच्छता सामाग्री सेट) हाईजिन किट नेपाल रेडक्रस सोसाइटी डोटी शाखाका सभापति लक्षिराम कुवँर र जिल्ला प्रहरी कार्यालयका प्रहरी नायब उपरिक्षक इन्द्र बहादुर मल्लले हस्तान्तरण गरेका थिए । दिवसकै अवसरमा रेडक्रसले जिल्ला प्रहरी कार्यालय डोटीलाई माक्स र ग्लोब सहयोग गरेको थियो ।

नेपाल रेडक्रस डोटी शाखाले जिल्ला प्रहरी कार्यालयको आईसोलेसनमा रहेका ३जना कोरोना संक्रमीत पुरुषलाई हाईजिन किड उपलब्ध गराएको हो । यो भन्दा पहिले रडोटी शाखाले शिखर नगरपालिका र पुर्विचौकी गाउँपालिका आईसोलेसनमा रहेका ३० कोरोना संक्रमीतहरुलाई हाईजिन किड उपलब्ध गराएको समेत शाखा प्रबन्धक श्रेष्ठले बताए ।

नेपाल रेडक्रस सोसाईटी डोटी शाखाले जिल्लामा काभिड १९ प्रतिकार्यमा विभिन्न कार्य गदै आईरहेको छ ।

Related News

डडेल्धुराका सातवटै पालिकाको अन्तिम परिणाम, एमाले शुन्य
डडेल्धुराका सातवटै पालिकाको अन्तिम परिणाम, एमाले शुन्य
  • २०७७ भाद्र १९

डडेल्धुरा- अमरगढी नगरपालिकाको प्रमुख र उपप्रमुखमा नेपाली का‌ग्रेस विजयी भएको...

TOP