२०७८ बैशाख २४, शुक्रबार
May 7, 2021, Friday
दार्चुलामा स्क्रब टाईफसका बिरामी बढ्दै गएका छन् । मंगलबारसम्म आठ जनामा स्क्रब टाइफसको संक्रमण देखिएको छ ।
जिल्ला अस्पताल दार्चुलामा उपचारका लागि आएका आठ जना बिरामीमा स्क्रब टाइफसको संक्रमण देखिएको जिल्ला अस्पतालका डाक्टर गजेन्द्र दुवालले बताए ।
यसअघि पाँच जनामा स्क्रब टाइफस देखिएकोमा सोमबार मात्रै थप तीन जनामा स्क्रब टाइफस संक्रमण देखिएकाले बिरामीको संख्या आठ पुगेको डाक्टर दुवालले बताए । सोमबार मात्रै तीन जना महिलामा स्क्रब टाइफस देखिएको छ ।
महाकाली नगरपालिकाका दुई जना र मालिकार्जुन गाउँपालिकाका एक जना गरी ३ जना महिलामा स्क्रब टाइफसको संक्रमण देखिएको जिल्ला अस्पतालले जनाएको छ । मालिकार्जुन गाउँपालिकामा एक पुरुष तथा तीन महिला गरी चार जना, महाकाली नगरपालिकामा एक पुरुष तथा दुई महिला गरी तीन जना र ब्याँस गाउँपालिका एक पुरुष गरी जम्मा आठ जनामा स्क्रब टाइफस देखिएको अस्पतालका डाक्टर दुवालले बताए ।
ती मध्ये गम्भीर एक जनालाई धनगढी स्थित सेती प्रादेशिक अस्पतालमा रिफर गरिएको छ भने एक जनाको जिल्ला अस्पतालमै उपचार भइरहेको छ । डाक्टर दुवालका अनुसार स्क्रब टाइफस भएको बिरामीमा लामो समय ज्वरो आउने, टाउको दुख्ने, मांसपेशी बाउडिने, जीउ दुख्ने र कुनै–कुनै बिरामीलाई झाडापाखाला र सामान्य खोकी लाग्ने जस्ता लक्षण समेत देखा पर्ने गरेको छ ।
मुलुक यतिबेला कोरोना भाइरस महामारीको चपेटामा छ। सुदूरपश्चिम प्रदेश पनि यो रोगको महामारीवाट अछुतो छैन। प्रदेशका तराइका कैलाली र कञ्चनपुरमा...
डोटी- पछिल्लो २४ घण्टामा दुवै विधिबाट गरेर कूल १८३२ नमूना परीक्षण गर्दा ७८५ जनाको रिपोर्ट पोजेटिभ आएको सुदूरपश्चिम स्वास्थ्य निर्देशनालय...
धनगढी- नवनियुक्त सुदूरपश्चिम प्रदेशका प्रदेश प्रमुख गंगाप्रसाद यादवले शुक्रवार पदभार ग्रहण गरेका छन् । धनगढी आएको लगत्तै प्रदेश प्रमुख यादवले...
