२०७९ आश्विन १४, शुक्रबार
September 30, 2022, Friday

सुदूरपश्चिममा थप ३३ जनामा कोरोना पुष्टि : संक्रमितको संख्या ४,८३७ पुग्यो

सुदूरपश्चिममा थप ३३ जनामा कोरोना पुष्टि भएको छ। पछिल्लो २४ घण्टामा सेती प्रादेशिक अस्पतालको प्रयोगशालामा एक सय ७० जनाको कोरोना परीक्षण भएकोमा २६ पुरुष र ७ महिलागरी ३३ जनामा संक्रमण पुष्टि भएको हो।

अस्पतालका सूचना अधिकारी दिलिप कुमार श्रेष्ठले कैलालीको गोदावरी नगरपालिका ९ पुरुष र ५ महिला गरी १४ जना, कैलारी गाउँपालिकाका ६ पुरुष र एक महिला गरी ७ जनामा कोरोना पुष्टि भएको बताए। दुवै स्थानीयका जम्मा गरी कैलालीमा आज २१ जनामा कोरोना पुष्टि भएको छ।

यस्तै अछामको बान्नीगढी जयगढ गाउँपालिका १० पुरुष, १ महिला गरी ११ जना र कञ्चनपुरको भीमदत्त नगरपालिका –१५ का एक पुरुषमा कोरोना पुष्टि भएको सूचना अधिकारी श्रेष्ठले जानकारी दिए। 

मंगलबार ३३ जनामा संक्रमण पुष्टि भएसंगै सुदूरपश्चिममा कोरोना संक्रमितको संख्या चार हजार ८ सय ३७ पुगेको छ।

Related News

सुजङ्ग अस्पतालमा विषालु सर्पले टोकेका बालकको सफल उपचार, एक वर्षमा ४६ जनाले सेवा लिए
सुजङ्ग अस्पतालमा विषालु सर्पले टोकेका बालकको सफल उपचार, एक वर्षमा ४६ जनाले सेवा लिए
  • २०७७ श्रावण २०

दिपायल – विषालु सर्पले टोकेर घाइते भएका बालकको उपचार सफल...

TOP