२०७९ जेष्ठ १५, आईतवार
May 29, 2022, Sunday

सातै प्रदेशमा ५,५०० रुपैयाँ तिरेर कोरोना परीक्षण गर्न पाइने

स्वास्थ्य तथा जनसंख्या मन्त्रालयले शुल्क तिरेर कोरोना परीक्षण गर्न पाउनेगरी सबै प्रदेशमा प्रयोगशाला तोकेको छ।

मन्त्रालयले तोकेको निर्देशिका भन्दा बाहेकका नमुना परीक्षणका लागि यसअघि काठमाडौं उपत्यकाका तीन वटा प्रयोगशाला तोकिएकोमा अहिले सातै प्रदेशमा शुल्क तिरेर परीक्षण गर्न पाउनेगरी प्रयोगशाला तोकिएको मन्त्रालयले जनाएको छ।

हालसम्म उपत्यकाका त्रिवि शिक्षण अस्पताल, पाटन अस्पताल र वीर अस्पतालमा शुल्क तिरेर परीक्षण गर्न पाउने व्यवस्था थियो।

बिहीबार स्वास्थ्यमन्त्री भानुभक्त ढकालसहितको बैठकले सातै प्रदेशमा परीक्षण गर्न पाइने निर्णय गरेको हो ।

प्रदेश १ मा कोशी अस्पताल, प्रदेश २ मा नारायणी अस्पताल, गण्डकी प्रदेशमा पोखरा स्वास्थ्य विज्ञान प्रतिष्ठान, प्रदेश ५ मा लुम्बिनी अस्पताल बुटवल, कर्णाली प्रदेशमा जनस्वास्थ्य प्रयोगशाला सुर्खेत र सुदूरपश्चिममा प्रादेशिक प्रयोगशाला धनगढीमा परीक्षण गर्न पाइने व्यवस्था गरिएको छ ।

परीक्षणको दायरामा नपरेका तर कोरोना परीक्षण गर्न चाहेका व्यक्तिहरुले अब सरकारले तोकेका यी प्रयोगशालाहरुबाट ५ हजार ५०० रुपैयाँ तिरेर कोरोना परीक्षण गर्न सक्नेछन् ।

Related News

गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
  • २०७७ असार २६

काठमाडौं– सङ्घीय लोकतान्त्रिक गणतन्त्र स्थापना भएको आज १५ वर्ष भएको...

TOP