सुदूरपश्चिममा कोरोना संक्रमितको संख्या ३७९ पुग्यो : बुधबार थपिए ३२ संक्रमित

धनगढी– सुदूरपश्चिम प्रदेशमा बुधबार थप ३२ जनामा कोरोना पुष्टि भएको छ। धनगढीस्थित कोरोना परीक्षण प्रयोगशालामा ३१ र काठमाडौँमा एक गरी थप ३२ जनामा कोरोना पुष्टि भएको हो।

बुधबार थप पुष्टि भएकामा कैलालीका २१, डोटीका पाँच, कञ्चनपुर, बझाङ र अछामका दुई/दुई जना रहेका छन्। कैलालीमा बुधबार थप भएका २१ जना मध्ये १८ जना गौरीगंगा नगरपालिकामा रहेको पशुपती क्वारेन्टिनमा रहेका छन् भने दुई जना मोहन्या विश्व माविको क्वारेन्टिनमा रहेका छन्।

डोटीका ५ जना संक्रमित दिपायल सिलगढी नगरपालिका हुन्। यसैगरी अछाममा बुधबार कोरोना पुष्टि भएका मेल्लेख गाउँपालिका वडा नम्वर ४ र ७ का २२ र २४ बर्षीय युवक रहेका छन्।

यसैगरी बझाङको थलारा गाउँपालिका–३ की १० बर्षीया किशोरी र खप्तडछान्ना ३ का ७० बर्षीय पुरुषमा कोरोना पुष्टि भएको छ। कञ्चनपुरमा शुक्लाफाँटा नगरपालिका १ र ९ का दुई जनामा कोरोना पुष्टि भएको हो।

योसँगै सुदूरपश्चिममा संक्रमितको संख्या तीन सय ७९ पुगेको छ।