२०७७ मंसिर १२, शुक्रबार
November 27, 2020, Friday

कोरोनाका कारण ज्यान गुमाउने संख्या १५ पुयो : भरतपुर अस्पतालमा एक जनाको मृत्यु

नारायणी सामुदायिक अस्पताल भरतपुरमा कोरोना सङ्क्रमण पुष्टि भएपछि सोमबार साँझ भरतपुर अस्पतालमा सारिएका एक बिरामीको मृत्यु भएको छ । उनको आज बिहान ७ः०५ बजे मृत्यु भएको अस्पतालले पुष्टि गरेको छ ।

अस्पताल विकास समितिका अध्यक्ष डा भोजराज अधिकारीका अनुसार बिहान उनको मृत्यु भएको हो । अस्पतालका प्रमुख मेडिकल सुपरिटेन्डेन्ट डा श्रीराम तिवारीका अनुसार उनी नारायणी सामुदायिक अस्पतालको सघन उपचारकक्षमा भेन्टिलेटरमा थिए । उनी दमका बिरामी हुन् । बिरामी गम्भीर भएकाले अस्पताल सार्ने÷नसार्ने भन्दाभन्दै साँझ बिरामी सारिएको उनले जानकारी दिए।

शुक्रबार स्वाब परीक्षणका लागि पठाइएकामा सोमबार नतिजा आएको हो । जिल्लामा कोरोना सङ्क्रमणबाट मृत्यु भएका ती व्यक्ति पहिलो हुन् । भरतपुर महानगरपालिका–११ सामनाटोलका गुरुङ समुदायका ती व्यक्ति ६८ वर्षका हुन् । प्रमुख जिल्ला अधिकारी नारायणप्रसाद भट्टराईले शवको व्यवस्थापन नेपाली सेनाले गर्ने बताए ।

परिवारको परामर्शमा धार्मिक विधिअनुसार शव व्यवस्थापन गरिने उनले जानकारी दिए। सोमबार मात्र यहाँको प्रयोगशालामा स्वाब परीक्षण गरिएका ३१० मध्ये ३० जनामा कोरोना सङ्क्रमण देखिएको थियो । तीमध्ये २४ जनाले चितवनका विभिन्न ठाउँबाट स्वाब सङ्कलन गराएका थिए ।

यो संगै नेपालमा कोरोनाका कारण ज्यान गुमाउनेको संख्या १५ पुगेको छ ।
रासस

Related News

धनगढी उप–महानगरपालिका वडा नं ६ को कार्यालय भवन शिलन्यास
धनगढी उप–महानगरपालिका वडा नं ६ को कार्यालय भवन शिलन्यास
  • २०७७ जेष्ठ २७

धनगढी- धनगढी उप–महानगरपालिका वडा नं ६ को वडा कार्यालय भवनको बिहीबार शिलन्यास गरिएको छ । धनगढी उप–महानगरपालिकाका प्रमुख नृपबहादुर वड...

सेतीको परीक्षणमा सुदूरपश्चिमका थप ४१ जनामा कोरोना संक्रमण पुष्टी
सेतीको परीक्षणमा सुदूरपश्चिमका थप ४१ जनामा कोरोना संक्रमण पुष्टी
  • २०७७ जेष्ठ २७

सेती प्रादेशिक अस्पताल प्रयोगशालामा थप ४१ जनामा कोराना संक्रमण पुष्टि भएको छ । १३३ जनाको परीक्षण गर्दा थप ४१ जनामा...

पछिल्लो २४ घण्टामा १६१४ संक्रमित थपिए : थप २३ जनाको मृत्यु
पछिल्लो २४ घण्टामा १६१४ संक्रमित थपिए : थप २३ जनाको मृत्यु
  • २०७७ जेष्ठ २७

पछिल्लो २४ घण्टामा देशभर १ हजार ६ सय १४ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार आज...

TOP