२०८१ असार १, शुक्रबार
June 14, 2024, Friday

पूर्वमन्त्री बस्नेतले उपलब्ध गराए सञ्चारकर्मीलाई पीपीई

सिन्धुपाल्चोक- कोरोना भाइरस (कोभिड १९) को सन्त्रास फैलिरहेकै बेला सिन्धुपाल्चोकमा समाचार संकलनमा खटेका सञ्चारकर्मीहरुलाई नेपाली कांग्रेसका नेता एवम् पूर्व सूचना तथा सञ्चारमन्त्री मोहन बहादुर बस्नेतले कोरोना प्रतिरोधी पोशाक (पिपिइ सेट) मास्क, सेनिटाइजर, सहयोग गर्नुभएको छ ।

कोरोना रोकथामकालागि अग्रमोर्चामा रहेर खटिने सञ्चारकर्मीलाई पिपिइ सेट सहयोग गरेको सम्भवतः नेपालमा पहिलो भएको बताइएको छ ।

पूर्व सूचना तथा सञ्चारमन्त्री बस्नेतले संचारकर्मीहरु कोरोना भाइरसबारे समाचार संकलन गर्न जानु पर्ने भएकोले संक्रमण नहोस् भनेर पिपिई सेट लगायतको सहयोग गरिएको बताउनु भयो । उहाँले संचारकर्मीले कोरोना भाइरसको त्रासबाट मूक्त भएर रिपोटिङ गर्न सहयोग मिलोस् भनेर सहयोग गरिएको जानकारी दिनु भएको छ । पहिलो पटक चार सञ्चारकर्मीलाई पिपिई सेट सहयोग गरिएको छ भने छिटै नै जिल्लाभरका संचारकर्मीलाई सो सहयोग उपलब्ध गराउने बताइएको छ ।

पत्रकारहरुले पिपिई सेट पाएपछि रिपोटिङमा ढुक्क भएको प्रतिक्रिया दिएका छन् । गोरखापत्र, नेपाल टेलिभिजन, एपीवान टिभि, प्राइम टिभी लगायतका संचारमाध्यममा कार्यरत पत्रकारहरुलाई पिपिई सेट प्रदान गरिएको छ ।

यसैगरी जिल्ला समन्वय समितिले सिन्धुपाल्चोकमा क्रियाशिल पत्रकारहरुलाई प्रेस ज्याकेट सहयोग गरेको नेपाल पत्रकार महासंघ सिन्धुपाल्चोक शाखाका अध्यक्ष महेश श्रेष्ठले जानकारी दिनुभयो ।

Related News

जोखिम मोलेरै भए पनि शैक्षिक सुधार गरिन्छः नगर प्रमुख बलायर
जोखिम मोलेरै भए पनि शैक्षिक सुधार गरिन्छः नगर प्रमुख बलायर
  • २०७६ चैत्र २९

दिपायल– शिखर नगरपालिकाका नगर प्रमुख दिर्घबहादुर बलायरले नगरको शिक्षा सुधारका...

TOP