बडीकेदार– उपचारका लागि अस्पताल भर्ना भएका कोरोना संक्रमित पुरुष कोरोना संक्रमण पुष्टि भएको जानकारी पाएपछि भागेका छन् । बडीकेदार गाउँपालिकाको अस्थायी कोभिड अस्पतालमा आइतबार भर्ना भएका ४५ वर्षीय पुरुष मंगलबार दिउसो फरार भएका हुन् ।
बडीकेदार गाउँपालिका वडा नं. ५ लाना घर भएका उनमा अत्याधिक ज्वरो आउने जस्ता लक्षण देखिएपछि आइतबार अस्पताल भर्ना गरिएको थियो । सोमबार गरिएको एन्टिजेन परक्षणमा उनमा संक्रमण देखिए पनि मंगलबार मात्रै उनले आफुलाई संक्रमण भएको जानकारी पाएका थिए ।
मंगलबार संक्रमण भएको थाह पाएपछि कुरुवालाई खाना ल्याउन पठाएर संक्रमित दिउँसो १ बजेको समयमा भागेको अस्पतालका डाक्टर सुरज श्रेष्ठले जानकारी दिए । संक्रमित भागेपछि आफन्त तथा प्रहरीले खोजि गरिरहेको छ । संक्रमित भागेपछि आफुहरुले टोली नै खटाएर खोजिकार्य अगाडी बढाएको खडेउली प्रहरी चौकीका इन्चार्ज असइ जगत बोहराले बताए ।
दिपायल – डोटीमा मेसिनको प्रयोगबाट चैते धान रोपिएको छ। कृषि...